स्वारेजले जिताए बार्सिलोनालाई, यस्तो छ बुधबार रातिको च्याम्पियन्स लिगको नतिजा 

प्रकाशित मिति : २०७६ असोज १६ बिहिबार
तस्वीर – एजेन्सी

काठमाडौं । च्याम्पियन्स लिग फुटबलमा स्पेनिश क्लब बार्सिलोनाले महत्वपुण जित निकालेको छ । बुधबार राति भएको खेलमा लुइस स्वारेजको नायकी खेलले बार्सिलोनाले इटालियन क्लब इन्टर मिलानलाई २–१ गोल अन्तरले पराजित गरेको हो ।

घरेलु मैदानमा खेलेको बार्सिलोना खेलको तेस्रो मिनेटमै लाउटारो मार्टिनेजले गोल गरेपछि पछि परेको थियो । 

पहिलो हाफसम्म पछि परेको बार्सिलोनाले दोस्रो हाफमा दुवै गोल गर्यो । दुवै गोल स्वारेजले गरे । स्वारेजले ५८ औं र ८४ औं मिनेटमा गोल गरेका थिए । 

पहिलो खेलमा बोरुसिया डर्टमुन्डसंग बराबरी खेलेको बार्सिलोनाको यो समूह एफ को पहिलो जित हो । 

अर्को खेलमा बोरुसियाले साल्भिया प्रागलाई २–० गोल अन्तरले हरायो । 

अन्य खेलको नतिजा 
समूह इ को खेलमा गेन्क ०–० नापोली र लिभरपुर ४–३ साल्सबर्ग । 

समूह जी को खेलमा लेप्जिग ०–२ लियों र जेनित सेन्ट पिटर्सबर्ग ३–१ बेनेफिका ।

समूह एच को खेलमा लिले १–२ चेल्सी र भ्यालेन्सिया ०–३ आयाक्स । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ