रोहित–मायंकले बनाए थुप्रै रेकर्ड

प्रकाशित मिति : २०७६ असोज १६ बिहिबार

काठमाडौं । भारत दक्षिण अफ्रिकाबीचको पहिलो टेष्ट क्रिकेट भारतको विशाखापट्नममा जारी रहेको छ । बुधबारदेखि जारी रहेको खेलमा भारतले टस जितेर पहिले ब्याटिङ गर्दै उच्च योगफलतर्फ अगाडि बढेको छ । 

रोहित शर्मा र मयंक अग्रवालले पहिलो विकेटका लागि ३१७ रनको साझेदारी गर्ने क्रममा विभिन्न रेकर्ड बनाएका छन् । भारतले दोस्रो दिन २०२ रनबाट अगाडि खेलेको थियो । 

१, रोहितले २४४ बलमा १७६ रन बनाए । उनी ६ छक्का र २३ चौकाको मद्धतले उक्त योगफल बनाएका हुन् । मयंकले पहिलो शतक बनाएका छन् । उनी शतक बनाउने ८६ औं ब्याट्सम्यान र ३३ औं ओपनर हुन् । 

२, रोहित–मयंकले दक्षिण अप्रिका विरुद्ध पहिलो विकेटका लागि सबैभन्दा बढी रन बनाएको रेकर्ड बनाएका छन् । यसअघि वीरेन्द्र सेवाग र गौतम गम्भीरले सन् २००४मा २१८ रनको साझेदारी गरेका थिए । 

३, रोहित–मयंक दक्षिण अफ्रिका विरुद्ध कुनै पनि विकेटका लागि सबैभन्दा बढी रनको साझेदारी गर्ने खेलाडी बनेका छन् । यो कीर्तिमान यसअघि सेवाग र राहुल द्रबिडबीच सन् २००७–०८ मा २६८ रनको साझेदारी भएको थियो । 

४, रोहित–मयंक त्यस्ता भारतीय बनेका छन् जसले दशौं पटक दुवै ओपनरले एकै इनिङमा शतक बनाएका छन् । यसअघि सन् २०१८ मा अफगानिस्तान विरुद्ध मुरली विजय र शिखर धवनले दुवै इनिङमा शतक बनाएका थिए । 

५, भारतीय ओपनर्सले २४ इनिङपछि पहिलो पटक शतकीय साझेदारी गरेका छन् । यसअघि सन् २०१८ मा विजय र धवनले शतक बनाएका थिए । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ