प्रिमियर लिगका छ खेलमा १६ गोल, लिभरपुल र लेस्टरबीच हानाहान 

प्रकाशित मिति : २०७६ असोज १९ आइतबार

काठमाडौं । इंगलिश प्रिमियर लिग फुटबलमा लिग लिडर लिभरपुलको अपराजित यात्रा आठौं चरणको खेलसम्म कायमै रहेको छ । 

एकमात्र १०० प्रतिशत खेल खेल्ने लिभरपुलले शनिबार रातिको खेलमा लेस्टर सिटी विरुद्ध जित निकाल्यो । 

घरेलु मैदानमा खेलेको लिभरपुललाई जिताउने क्रममा ४० औं मिनेटमा साडियो माने र इन्जुरी समयमा पाएको पेनाल्टीलाई सदुपयोग गर्दै जेम्स मिल्नरले गोल गरे । 

लेस्टरका जेम्स माडिसनले ८० औं मिनेटमा बराबरी गोल गरेका थिए । खेल सकिएपछि भने दुवै टिमका खेलाडीहरु हात हालाहालमा पुगेका थिए । मिल्नरको गोललाई विवादित मान्दै लेस्टरका खेलाडीहरु विरोधमा उत्रिएपछि हानाहान भएको हो । 

शनिबारका अन्य खेलको नतिजा 
ब्राइटन एन्ड हब आल्बियन ३–० टोटनह्याम हट्सपर
बर्नली १–० एभर्टन
नर्विच सिटी १–५ एस्टन भिल्ला
वाटफोर्ड ०–० शेफिल्ड युनाइटेड
वेष्ट ह्याम युनाइटेड १–२ क्रिस्टल प्यालेस

अंक तालिका
लिभरपुल ८ खेलबाट २४ अंकसहित शीर्ष स्थानमा छ । एक खेल कम खेलेको म्यान्चेस्टर सिटी १६ अंकबाट दोस्रो स्थानमा छ । 

आठ खेलबाट १४–१४ अंकको लेस्टर र क्रिस्टल तेस्रो र चौथो स्थानमा छन् । १२ अंकबाट बर्नली, आर्सनल र वेष्टह्याम पाँचौं, छैटौं र सातौं स्थानमा छ ।  

पुछारको वाटफोर्डको ३, १९ औं स्थानको न्युकासलको ५ र नर्विच सिटीको ६ अंक छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ