स्पेनिश लिगका चार खेल १५ गोल, हजार्डले खोले खाता 

प्रकाशित मिति : २०७६ असोज १९ आइतबार
तस्वीर – एजेन्सी

काठमाडौं । स्पेनिश लिग ला लिगा फुटबलमा शीर्ष स्थानको रियाल मड्रिड विजयी भएको छ । शनिबार भएको खेलमा रियालले ग्रानाडालाई घरेलु मैदानमा ४–२ गोल अन्तरले पराजित गर्यो ।

रियाललाई जित दिलाउने क्रममा करिम बेन्जिमा, इडेन हजार्ड, लुका मोड्रिच र जेम्स रोड्रिग्वेजले गोल गरे ।

यसै सिजन रियाल आएका हजार्डले रियालका लागि पहिलो गोल गरेका हुन् ।

ग्रानाडाका डार्विन माचिस र डोमिन्गोस दुआरटेले गोल फर्काए ।

अन्य खेलको नतिजा
लेगानेस १–२ लेभान्ते
भ्यालेन्सिया २–१ डेपोर्टिभो एलाभेस
ओसासुना २–१ भिल्लारियल

अंक तालिका
८ खेलमा १८ अंकसहित रियाल मड्रिड शीर्ष स्थानमा छ । १४ अंकको ग्रानाडा दोस्रो स्थानमा छ । १४ अंकबाटै एथलेटिको मड्रिड तेस्रो स्थानमा छ । डिफेन्डिङ च्याम्पियन बार्सिलोना भने ७ खेलबाट १३ अंकसहित चौथो स्थानमा छ । 

पुछारको लेगानेसको २ अंक मात्रै छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ