अर्बपतिबाट सिक्नुपर्ने पाठ

प्रकाशित मिति : २०७६ असोज २० सोमबार

काठमाडौं । सफलता हासिल गर्न सजिलो छैन । यो कुनै रातारात हुने कुरा होइन । तर, दैनिकरुपमा त्यसका लागि प्रयास जारी राख्नु जरुरी हुन्छ । यहाँ सफल मानिसले प्रयोग गर्ने केही टिप्स उल्लेख गरिएको छ –

पुस्तक पढ्नु
अरुको जीवनको अनुभव आफ्नोमा लागू गर्ने र सिक्ने सबैभन्दा सजिलो उपाय पुस्तक पढ्नु हो । यो क्षेत्रको विज्ञबराबरको आफ्नो ज्ञान विस्तारको लागि पनि निरन्तर प्रयास गर्नु निकै महत्वपूर्ण हुन्छ । इलोन मस्क पनि विभिन्न किसिमका पुस्तक पढ्न रुचाउँछन् ।

आत्मविश्वास बढाउनु
सफलताको कुरा गर्दा योगाको कुरा निकै कम मात्र आउने गरेको छ । तर, यसले मानिसलाई आफ्नो आत्मविश्वास बढाउन निकै सजिलो बनाउँछ । मानिसले सार्वजनिक स्थानमा बोल्दा पनि धक लागेर आउँछ । यस्तोमा आफूमा नै विश्वास बढाउनु जरुरी हुन्छ । योगा तथा ध्यानले मानिसलाई आफ्नो आत्मविश्वास बढाउन सहयोग गर्छ । आफ्नो मनोबल बढाउन यो निकै महत्वपूर्ण योजना हो ।

शारीरिक अभ्यास
धनी मानिसबारे ५ वर्षको अध्ययनमा लेखक टोम कोर्लीले सबै मानिसले गर्नसक्ने समान बानी पत्ता लगाएका थिए । उनका अनुसार उक्त बानी शारीरिक अभ्यास हो । यस किसिमको बानीले मानिसको आईक्यु बढाउनका लागि पनि निकै ठूलो सहयोग पुग्छ । यस किसिमको कार्यले मानिसको मनोबलका साथै ऊर्जा पनि २० प्रतिशतसम्म बढ्नसक्छ ।

सहयोग गर्नु
अध्यात्म मान्ने मानिसले कमाएको केही हिस्सा कसैलाई दान दिनु वा सहयोग गर्नु राम्रो मान्छन् । तर, वास्तविक जीवनमा पनि सफल मानिसहरु भने यसमा निकै संवेदनशील हुन्छन् र त्यसका लागि लागिरहेका छन् । सन् २०१० को बिल र मेलिण्डा गेट्स र वारेन बफेटले पनि उल्लेख्य मात्रामा अनुदान दिने घोषणा गरेका थिए । सफलता हासिल गर्ने दौडमा कमाएको केही हिस्सा कसैको सहयोगका लागि दान पनि गर्नुपर्छ भन्ने उनीहरु विश्वास राख्छन् ।

प्रतिस्पर्धाबारे सोच्न समय निकाल्नु
आफ्नो प्रतिस्पर्धाको विषयमा पनि केही समय निकाल्नु जरुरी हुन्छ । यसले आफ्नो अगाडिको बाटो पहिचान गर्न सकिन्छ । प्रतिस्पर्धाको विषयमा केही समय दिनाले सफलता हासिल गर्नका लागि बलियो ऊर्जा प्रदान गर्ने काम गर्छ ।

भ्रमण गर्नु
पछिल्लो समय मानिसहरु अत्यधिक समय आफ्नो स्मार्टफोनमा खर्च गर्न थालेका छन् । यससँगै मानिसहरुको भ्रमणको क्रम पनि केही मात्रामा घटेको छ । तर, सफलताको लागि बाहिर घुम्न निस्किनु र केही न केही कुरा सोचिरहनु निकै महत्वपूर्ण हुने गर्छ । एक अध्ययनले बाहिर हिँड्ने बानीले मानिसको सृजनशीलता विकासका लागि सहयोग गर्छ भने समस्या समाधान गर्नसक्ने क्षमता पनि बढाउनका लागि सहयोग गर्छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ