काठमाडौं । बडादशैं अन्तर्गत द्धादशीका दिन बिहीबार पनि टीका लगाउने क्रम जारी रहेको छ । नेपालका विभिन्न क्षेत्रमा आफ्नै किसिमको संस्कृतिअनुसार दशैं मनाइन्छ । पश्चिम नेपालका कतिपय क्षेत्रमा दशमीको दिनमामात्र टीका लगाइन्छ ।
समयसंगै केही पश्चिमी क्षेत्रमा पूर्णिमैसम्म पनि टीका लगाउन थालिएको छ । काठमाडौंसहितका पूर्वी जिल्लाहरुमा भने पूर्णिमासम्मै टीका लगाउने चलन छ ।
केही क्षेत्रहरुमा दशमीको दिन लगाइएको टीका एकादशीको दिन विश्राम लिएर द्धादशीको दिनदेखि पुनः टीकाटालो सुरु भएको छ । दशमीको दिन घर परिवारमा र त्यसबाहेकका दिनमा भने आफन्तकहाँ टीका लगाउन जाने चलन छ ।
विदेशमा रहेका नेपालीहरुले पनि पूर्णिमासम्मै टीका लगाउँछन् ।
टीका लगाउनकै लागि सरकारले पहिलो पूर्णिमासम्म बिदा दिने गरेको भए पनि यसपटक एकादशीको दिनसम्म मात्र बिदा दिइएको छ ।
यो प्रक्रियालाई भने अव्यवहारिक समेत भनिएको छ । प्रधानमन्त्री केपी शर्मा ओलीले गत वर्ष पूर्णिमासम्मै टीका भने लगाइदिने तर सर्वसाधारणले पूर्णिमासम्म बिदा नपाउँदा भने दुःख मनाउ गरिएको हो ।
