- सुन चाँदी दर
- विनिमय दर
- नेपाली पात्रो
- राशिफल
काठमाडौं । सान मारिनोमाथि ९ गोल बर्साएर बेल्जियम युरो कप फुटबलमा छनोट हुन सफल भएको छ । बिहीबार राति भएको खेलमा सान मारिनोलाई बेल्जियमले ९–० गोल अन्तरले पराजित गरेको हो ।
बेल्जियमका लागि रोमेलु लुकाकुले दुई, नसर चदली, युरी टाइलेमेन, टोबी एल्डरवाइल्ड, क्रिस्टियन बेनटेक, यारी भर्सेर्केन र टिमोथी केस्टनटले एक एक गोल गरे । एक गोल आत्मघाती भएको थियो ।
लुकाकु बेल्जियमका लागि ५० गोल पूरा गर्ने पहिलो खेलाडीसमेत बनेका छन् ।
यो जितसंगै बेल्जियम युरो कपमा छनोट हुने पहिलो टिम बनेको हो । शीर्ष स्थानको बेल्जियमले ७ खेलबाट २१ अंक बटुलेको छ । ६ टिम सहभागी समूह आईमा दोस्रो स्थानको रुसको १८ र तेस्रो स्थानको साइप्रसको १० अंक छ ।
यो समूहबाट दुई टिम छनोट हुने भएकाले बेल्जियमले ३ खेलअघि नै सतप्रतिशत खेल्दै छनोट भएको हो ।