अटिजम भएका नेपाली बालकद्धारा पोर्चुगलमा म्याराथन दौड पूरा
प्रकाशित २०७६ कार्तिक ४ सोमबार
496
Shares
लिस्बन । एक अटिजम भएका नेपाली बालकले म्याराथन दौड पूरा गर्न सफल भएका छन् । पोर्चुगलमा भएको लिस्बन मिनी म्याराथनमा ७ वर्षे बालकले दौड पूरा गर्न सफल भएका हुन् ।
म्याराथन क्लब पोर्चुगलको आयोजनामा शनिबार राजधानी लिस्बनमा भएको “ईडीपी मिनी च्याम्पियन्स म्याराथन” मा ७ बर्षीय युरेश पाण्डेले २ किमी दौड पूरा गर्न सफल भएका हुन् ।
पाण्डेसंगै उनका भाई ५ बर्षीय युरेक पाण्डेले पनि सो दौड पूरा गर्न सफल भएको उनका अभिभावक गणेश पाण्डेले जानकारी दिए ।
बोल्न नसक्ने बौद्धिक अपागंता भएका आफ्ना छोराले मिनी म्याराथनमा सहभागी भई दौड पूरा गर्दा आफूलाई निकै खुशी लागेको पाण्डेले बताए ।
युरेश र युरेक दुबै दाजुभाइले नेपालको राष्ट्रिय झण्डासहित प्रतियोगितामा सहभागीता जनाएका थिए ।
४ देखि ७ बर्ष सम्मका झण्डै ५ सय बालबालिकाहरुबीच भएको प्रतियोगितामा दौड पूरा गर्ने बालबालिकाहरुलाई मेडल प्रदान गरिएको थियो ।
बालबालिकाहरुलाई प्रोत्साहन गर्नका लागि क्लबले हरेक बर्ष बालबालिकाहरुका बिच दौड प्रतियोगिता आयोजना गर्दै आएको छ ।
अटिजम भएका छोराको हौशला बढाउन तथा बालबालिकाहरुसंग घुलमिल गराई थप प्रोत्साहित गर्नका लागि उक्त प्रतियोगितामा सहभागी गराएको पाण्डेले बताए।
