- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतीय क्रिकेट कन्ट्रोल बोर्ड (बीसीसीआई) ले बंगलादेश क्रिकेट बोर्ड (बीसीबी) लाई पहिलो डे–नाइट टेष्ट क्रिकेटका लागि प्रस्ताव गरेको छ ।
बीसीबीका अध्यक्ष अकरम खानले आइतबार २–३ पहिले खेलको प्रस्ताव आएको बताएका हुन् । उनले बीसीसीआईलाई केही दिनमै जानकारी दिने बताएका छन् ।
बंगलादेशले यदि प्रस्तावमा सहमति जनायो भने इडन गार्डेन्समा डे–नाइट हुनेछ । भारत–बंगलादेशका बीच दुई टेष्ट सिरिज हुँदैछ । पहिलो टेष्ट नोभेम्बर १६ मा इन्दोरमा हुँदैछ ।
दोस्रो टेष्ट नोभेम्बर २२ मा कोलकातामा हुनेछ । यसअघि नोभेम्बर ३ देखि ३ खेलको टी–२० सिरिज खेल्नेछ ।
गत शुक्रबार बीसीसीआईका नयाँ अध्यक्ष सौरभ गांगुलीले डे–नाइट टेष्टमा विश्वास राख्ने बताउँदै भारतीय क्रिकेट कप्तान विराट कोहलीको सहमति लिँदै यो क्रिकेट हुने बताएका हुन् ।
डे–नाइट टेष्टको इतिहास
टेष्ट क्रिकेटको इतिहासमा पहिलो डे–नाइट टेष्ट सन् २०१५ मा एडिलेड ओभलमा अष्ट्रेलिया र न्युजिल्याण्डबीच भएको थियो । विश्व नम्बर एक भारतले भने डे–नाइट सुरु भएको चार वर्षसम्म पनि खेल्न सकेको छैन ।
पहिले भने भारतले यसमा रुची देखाएको थिएन । भारतले अष्ट्रेलियाको प्रस्ताव अस्वीकार गरेको थियो ।