- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतको जम्मू–कश्मीरमा आतंकवादीले पाँच गैर कश्मीरी मजदूरको गोली हानी हत्या गरेको छ । कश्मीरको कुलगाममा मंगलबार आतंकवादीले अर्को राज्यबाट काम गर्न आएका पाँच मजदूरलाई गोली हानेर मारेको हो ।
एक मजदूर गम्भीर घाइते भएको प्रहरीले बताएको छ । कश्मीर प्रहरीका अनुसार सबै मजदूर पश्चिम बंगालको मुर्शिदाबादबाट कामका लागि आएका थिए ।
कश्मीरमा अझै आतंकवादीको आक्रमण रोकिएको छैन । यसअघि पुलवामामा आतंकवादीले सीआरपीएफ जवानको एक गस्ती टोलीमाथि आक्रमण गरेको थियो ।
आतंकवादीले द्रबगाम इलाकामा रहेको स्कुलमा छात्राका लागि बनाइएको परीक्षा केन्द्रलाई निशाना बनाएको थियो । उक्त घटनामा कसैको ज्यान भने जान पाएन ।