-
-
-
-
काठमाडौं । संघीय संसद अन्तर्गत प्रतिनिध सभाको कृषि, सहकारी तथा प्राकृतिक स्रोत समितिको बैठक शुक्रबार बस्दैछ । बिहान ११ बजे समिति कक्ष सिंहदरबारमा बस्ने बैठकमा गरिमा धानको बीउमा दाना नलागेको विषयमा छलफल हुने भएको छ ।
गरिमा जातको धानको बीउमा दाना नलागेपछि किसानहरुलाई ठूलो मर्का परेको छ । सरकारले नै सिफारिस गरेको धानको बीउमा दाना नलागेपछि त्यसको क्षतिपूर्ति सम्बन्धमा समेत समितिले निर्देशन दिन सक्ने बुझिन आएको छ ।
संसदीय समितिले कृषि तथा पशुपंक्षी विकास मन्त्रालय र नार्कसंग छलफल गर्न लागेको हो । नार्कको सिफारिसमा किसानले गरिमा धानको बीउ प्रयोग गरे पनि त्यसले नोक्सानी भएपछि नार्कको गैरजिम्मेवारीबारेसमेत छलफल हुनेछ ।
