- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली कांग्रेसको सुभेच्छुक संस्था नेपाल स्वास्थ्यकर्मी संघ (हेपोन) को सातौं अधिवेशन हुने निश्चित भएको छ । संघको अधिवेशन २२ र २३ गते गर्ने निर्णय भएको छ।
संघको अधिवेशन काठमाडौंमा नै हुनेछ । अधिवेशनका लागि देशभरबाट ६ सय ५० प्रतिनिधि काठमाडौंमा उपस्थित हुनेछन् । संघमा अहिले १८ हजार भन्दा बढी क्रियाशील सदस्य रहेका छन्। उनीहरुका तर्फबाट प्रतिनिधित्व गर्दै ६ सय ५० प्रतिनिधि राजधानी आउने छन्।
यी प्रतिनिधीहरुले संघको नयाँ कार्यसमिति चयन गर्नेछ।
पटक पटकको छलफल र वार्तापछि संघ अधिवेशन गर्ने निर्णयमा पुगेको हो। अध्यक्ष रामजी घिमिरेले संघमा दुवै कार्यकाल मनपरी गरेको र जथाभावी रुपमा सदस्य थप गरेको भन्दै सदस्यहरुले आपत्ति जनाउँदै आए पनि अन्तत उनी चुनाव गराउन अग्रसर भएका हुन् ।
उनीमाथि विदेशबाट आएको रकम हिनामिना गरेको आरोप विपक्षीले लगाएका छन् । उनीमाथि स्वास्थ्य विभागमा छँदा भ्रष्टाचार गरेको आरोपमा सर्वोच्च अदालतमा मुद्दा विचाराधीन छ ।