- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश लिग ला लिगा फुटबलमा बार्सिलोना शीर्ष स्थानमा पुग्न सफल भएको छ । स्टार खेलाडी लियोनल मेस्सी चम्केपछि बार्सिलोना शीर्षमा पुग्न सफल भएको हो ।
घरेलु मैदानमा शनिबार राति बार्सिलोनाले सेल्टाभिगोलाई ४–१ गोल अन्तरले हराएको हो । खेलमा मेस्ल्ेि ह्याट्रिक गरे ।
मेस्सीले एक गोल पेनाल्टीमा र दुई सुन्दर गोल फ्रिकिकमार्फत गरेका थिए । तर उनले एउटा पहेंलो कार्ड पनि खाएका थिए । बार्सिलोनालाई अन्तिम गोल सर्जियो बुस्केटले दिलाएका थिए । सेल्टाभिगोका ओलाजाले सान्त्वना गोल गरेका थिए ।
शनिबार रातिका खेलहरु–
शनिबार रातिका अन्य खेलमा रियाल मड्रिडले आइबारलाई उसकै मैदानमा ४–० गोल अन्तरले हरायो । करिम बेन्जेमाले २ तथा सर्जियो रामोस र फेडेरिको भल्भार्डेले १–१ गोल गरे ।
त्यस्तै डेपोर्टिभो अलाभेसले रियाल भल्लाडोलिडलाई ३–० गोल अन्तरले हरायो । जोसेलु, पिना र लुकास पेरेजले १–१ गोल गरे ।
त्यस्तै भ्यालेन्सियाले ग्रानाडालाई २–० गोल अन्तरले हरायो । वास र टोरेसले १–१ गोल गरे ।
अंक तालिका
अंक तालिकामा १२ खेलबाट २५ अंकका बार्सिलोना र रियाल मड्रिड गोल अन्तरका आधारमा मात्र पहिलो र दोस्रो स्थानमा छन् । दुवैबीच दुई गोलको अन्तर छ ।
१३ खेलबाट रियाल सोसिडाड २३ अंकसहित तेस्रो स्थानमा छ । २१ अंकको एथलेटिको मड्रिड चौथो स्थानमा छ ।