जाजरकोटमा झाडाबान्ता नियन्त्रणमा

प्रकाशित मिति : २०७२ चैत २७ शनिबार
जाजरकोट। जिल्लाको दशेरा र ढिमेमा देखिएको झाडाबान्ताको प्रकोप नियन्त्रणमा आएको जिल्ला स्वास्थ्य कार्यालयले जनाएको छ । लक्षण देखिनासाथ स्थानीय स्वास्थ्यकर्मी र सदरमुकामबाट गएको स्वास्थ्यकर्मीको टोलीको उपचारपछि झाडाबान्ता नियन्त्रणमा आएको हो । यही चैत्र १९ गते दसेराको जनप्रिय उच्च माविमा प्रवेशिका (एसएलसी) परीक्षा केन्द्रमा परीक्षा दिन गएका विद्यार्थी, शिक्षक र अभिभावकमा पखालाको सङ्क्रमण देखिएको थियो । 
 
बिरामीको उपचारमा खटिएका रामबहादुर थापाका अनुसार आइतबारदेखि हालसम्म परीक्षा केन्द्रमा शिक्षक तथा विद्यार्थी गरी ८० र स्वास्थ्य केन्द्रमा १०५ जनाको उपचार गरिएको छ । सदरमुकामबाट प्रकोपस्थल पुगेका डा दिवस सापकोटा झाडाबान्ता नियन्त्रणमा आएपछि सदरमुकाम फर्कीएका छन् । 
 
परीक्षाकेन्द्र आसपासको भीडभाडमा जथाभावी दिसापिसाब गर्दा फोहरमैला बढेको, बासी खाना र फोहोर खानेपानीका सङ्क्रमण फैलिएको बताइएको छ । रासस 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ