काठमाडौं। भारत जारी आईपिएल (ईण्डियन प्रिमियर लीग) क्रिकेट प्रतियोगिताको पहिलो खेलमा भारतीय क्रिकेट टोलीका कप्तान महेन्द्र सिंह धोनीको टोली पुणे सुपरजायन्ट्सले मुम्बई ईण्डियन्सलाई ९ विकेटले पराजित गर्दै बिजयी शुरुवात गरेको छ।
टस जितेर पहिले ब्याटिङ गरेको मुम्बईले निर्धारित २० ओभरमा ८ विकेटको क्षतीमा १२१ रन बनाएको थियो। उसकालागि हरभजन सिंहले ४५* रन बनाएका थिए भने अम्बति रायडुले २२ रनको योगदान दिएका थिए। पुणेकालागि ईशान्त शर्मा र मिचेल मार्शले २-२ विकेट लिएका थिए।
जवाफमा ब्याटिङ गर्न ओर्लेको पुणेले १४.४ ओभरमा १ विकेटको क्षतीमा १२६ रन बनाउँदै जीत हासिल गरेको हो। पुणेकालागि अजन्के रहाणेले ६६* रन बनाएका थिए भने फाप डुप्लेसीले ३४ रनको योगदान दिएका थिए। ईङल्याण्डका स्टार खेलाडी केविन पिटर्सनले १४ बलमा २२ रन बनाएका थीए। एक मात्र विकेट मुम्बईका हरभजन सिंहले लिएका थिए।
