अन्जली चन्दको विश्व किर्तिमानसँगै नेपाली क्रिकेटको बिजय सुरुवात
प्रकाशित २०७६ मंसिर १६ सोमबार
347
Shares
काठमाडौं। नेपाली महिला क्रिकेट टोलीकी अन्जली चन्दको विश्व किर्तिमानसँगै माल्दिव्सलाई १० विकेटले पराजित गरेको छ। १३औं दक्षिण एसियाली खेलकुद (साग) अन्तर्गत मालदिव्सलाई ५ बलमा पराजित गरेको हो।
अन्जलीले २.१ ओभरमा कुनै पनि रन नदिई ६ विकेट लिएकी थिईन्। ६ वेकट लिने क्रममा उनले ह्यट्रिक पनि गरेकी थिईन्। उनले ४ ब्याट्सवुमनलाई क्याच आउट र २ लाई बोल्ड आउट गरिन् । यो विश्व टि ट्वान्टी वुमनमा हालसम्मकै सर्वोउत्कृष्ट प्रर्दशन हो । यस अघि मलेसियाकी मास अलिसाले ४ ओभरमा १ मेडन सहित ३ रन खर्चेर ६ विकेट लिइकी थिइन् ।
पहिले ब्याटिङ गरेको मालदिव्सले १०.१ ओभर खेल्दै १६ रन मात्र बानउन सकेको थियो। मालदिव्सका ९ खेलाडीले खाता खोल्न सकेनन्। हफ्सा अफ्सा अब्दुल्लाले ४ र हामना नियाजले ९ रन बाहेक अरु खेलाडी रन बिहिन रहेका थिए।
नेपालका लागि काजोल श्रेष्ठले १३ रन बनाएकी थिईन। उनले तीन चौका प्रहार गर्दै उक्त रन बनाएकी हुन्। मालदिव्सले ५ बलमा तीन चौका, १ रन , १ नोबल, २ वाईड र १ लेग बाइ दिएको थियो।
