१० महिनामा छिमेकीद्धारा २३१७ पटक युद्धविराम उल्लंघन

१० महिनामा छिमेकीद्धारा २३१७ पटक युद्धविराम उल्लंघन

प्रकाशित २०७६ मंसिर १८ बुधबार

काठमाडौं । भारत र पाकिस्तानबीचको द्धन्द्ध नयाँ हैन । जसमा युद्धविराम हुन्छ अनि उल्लंघन पनि । गत मंगलबार नै जम्मू–कश्मीरको पुन्छ जिल्लमा नियन्त्रण रेखा नजिक पाकिस्तानले युद्धविरामको उल्लंघन गरेको छ ।

उक्त गोलीबारीमा २ भारतीय नागरिकको मृत्यु भएको छ भने ७ जना घाइते भएका छन् । भारतीय पुलिसले राजौरी जिल्लाको नौशेरा सेक्टरमा एलओसी घुसपैठ गर्ने एक युवकलाई गिरफ्तार गरेको छ ।
भारतीय रक्षा विभागका प्रवक्ताले शाहपुर र किरनी सेक्टरमा गोलीबारी हुँदा भारतीय सेनाले जवाफी कार्वाही गरेका छन् । उक्त कार्वाहीमा एक आतंकवादीलाई एक राइफल र ६४ कारतुससहित गिरफ्तार गरेको छ ।

भारतीय सेनाका अनुसार गत १० अक्टुबरसम्म पाकिस्तानले २३१७ पटक युद्धविराम उल्लंघन गरेको छ । एलओसी र कश्मीरमा भारतीय सेनाले गरेको कार्वाहीमा १४७ जना मारिएका छन् ।