- सुन चाँदी दर
- विनिमय दर
- नेपाली पात्रो
- राशिफल
जनकपुरधाम। जनकपुरमा जारी १३ औं दक्षिण एसियाली खेलकुद (साग) अन्तर्गत कुस्ती प्रतियोगितामा चौथो दिन सोमबार दुई स्वर्णका लागि प्रतिस्पर्धा सकिएसँगै कुस्ती खेल समापन भएको छ ।
सोमबार भएको महिला र पुरुष अलग-अलग समुहको कुस्तीमा भारतले नै दुवै स्वर्ण पदक हात पारेको छ ।
सुरूदेखि नै कुस्तीमा भारत अगाडि थियो ।सोमबार भएको दुइ कुस्तीमा महिला तर्फ ६८ केजी भारतकी अनिता शेयोर्णले स्वर्ण र पुरुष तर्फ ७४ केजीका भारत कै गौरव वालियानले पनि स्वर्ण जितेका छन ।
सागको कुस्तीमा मात्र भारतले कुल १४ स्वर्ण पदक हात पारेको हो ।चार दिनसम्म चलेको कुस्तीमा नेपालले एक स्वर्ण पदक सहित चार रजत र चार कास्य पदक हात पारेका हुन् ।
कुस्तीमा नेपालभन्दा अगाडि श्रीलंका र पाकिस्तान रहेको छ । पाकिस्तानले ३ स्वर्ण तथा ४ रजत पदक जित्दा श्रीलंकाले २ स्वर्ण तथा १० रजत र २ कास्य हात पार्न सफल भएका छन ।यसैगरी बंगलादेशले २ रजत ७ कास्य जितेको हो ।कुस्तीमा नेपालको स्थान चौथो रहेको छ ।