- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतीय प्रधानमन्त्री नरेन्द्र मोदीले प्रमुख प्रतिपक्षी दल कांग्रेसले मुस्लिममाथि भय सिर्जना गरिरहेको बताएका छन् ।
मंगलबार बरहेटमा चुनावी सभालाई संवोधन गर्दै मोदीले नागरिकता बिल र एनआरसीमाथि विपक्षी पार्टी झुठो बोलेर भ्रमित पारिरहेको बताए ।
मोदीले यदि हिम्मत भए कांग्रेसले पाकिस्तानका हर नागरिकलाई भारतको नागरिकता दिने घोषणा गरोस् भनी चुनौती दिएका छन् ।
कांग्रेसले यदि यो घोषणा गर्यो भने भारतीय जनताले यसको हिसाब गरिदिने पनि चेतावनी मोदीले दिएका छन् ।
जनसभालाई संवोधन गर्दै मोदीले भने, ‘सबै काम शान्तिपूर्वक भइरहेको छ भने विपक्षीको पेटमा मुसा दोडिन्छन् । यही डर धारा ३७० लाई लिएर पनि गरिएको थियो । त्यतिबेला पनि भन्दै थिए कि हात लगाए भने करेन्ट लाग्छ । देश टुक्रिन्छ । धारा ३७० हट्यो । कश्मीरमा शान्ति भइरहेको छ । देशले कांग्रेस र उसका साथीहरुको नकारात्मक सोचलाई हटाइदियो ।’
कांग्रेस नेताहरुले अझै पनि जनतालाई डराउन दिने र झुठो कुरा बताएर आफ्नो राजनीतिको आधार बनाइरहेको मोदीले आरोप लगाए ।
मोदीले कांग्रेसले नागरिकता संशोधन विधेयकलाई लिएर झुठो बोलिरहेको आरोप पनि लगाए ।
नागरिकता विधेयक संशोधनको विषयलाई लिएर भारतमा तनाव भइरहेको छ ।