- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश लिग फुटबलमा बार्सिलोना र रियाल मड्रिड बीचको ‘एल क्लासिको’ खेल बराबरीमा सकिएको छ । बार्सिलोनाको घरेलु मैदान नोउ क्याम्पमा बुधबार राति भएको खेल गोलरहित बराबरीमा सकिएको हो ।
खेलमा दुवै टिमका गोलका प्रयास खेर गएका थिए । खेलमा बार्सिलोनाका ३ तथा रियाल मड्रिडका पाँच खेलाडीले पहेंलो कार्ड खाएका थिए । बार्सिलोनाका इभाँ राकिटिक, लुइस सुवारेज र क्लेमेन्ट लेंगलेटले कार्ड खाएका हुन् ।
रियालका लागि क्यासेमिरो, ग्यारेथ बेल, इस्को, डानि कार्भाजल र सर्जियो रामोसले कार्ड खाएका थिए ।
अंक तालिका
यो बराबरीपछि डिफेन्डिङ च्याम्पियन बार्सिलोना लिगको तालिकामा शीर्ष स्थानमा यथावत छ ।
१७ औं चरणको खेल सकिँदासम्म बार्सिलोना गोल अन्तरमा रियाल मड्रिडभन्दा अगाडि छ । दुवैको ३६ अंक छ । सेभियाको ३१ र गेटाफेको ३० अंक छ ।