-
-
-
-
काठमाडौं । भारतको झारखण्ड विधानसभाको पाचौं तथा अन्तिम चरणको चुनावमा १६ सिटका लागि मतदान जारी छ ।
यो चरणमा पूर्व मुख्यमन्त्री हेमन्त सोरेन, समाज कल्याण मन्त्री लुइस मरान्डी र कृषि मन्त्री रणधीर सिंहसमेत गरी २३६ उम्मेदवार मैदानमा छन् ।
४० लाख ५ हजार मतदाता रहेको उक्त क्षेत्रमा मतदान जारी रहेको छ । यी सिटमा अनुसूचित जनजातिका लागि ७ सिट सुरक्षित छन् बाँकी सामान्य श्रेणीका हुन् ।
सन् २०१४ को विधानसभा चुनावमा यी १६ सिटमध्ये ६ सिटमा झामुमो, ६ मा भाजपा, ३ मा कांग्रेस र १ सिट जेवीएमले कब्जामा लिएको थियो ।
१३ सिटमा अहिले भाजपाको प्रत्यक्ष भिडन्त छ भने बाँकी ३ सिटमा त्रिकोणात्मक संघर्ष चलिरहेको छ ।
