काठमाडौं । भारतीय क्रिकेट कप्तान विराट कोहलीले आफूलाई सबैभन्दा बढी रन बनाउने खेलाडीको रेकर्डधारी खेलाडी बनाउन सफल भएका छन् ।
सन् २०१९ भर उनले सबैभन्दा बढी रन बनाएका हुन् । तीन वटै फम्र्याटका खेलमा कोहलीले २४५५ रन बनाए । उनले आफ्नै साथी रोहित शर्मालाई पछाडि छोडेका हुन् ।
रोहितले २४४२ रन बनाएका छन् । वेष्ट इन्डिज विरुद्धको तेस्रो तथा अन्तिम एक दिवसीयमा कोहलीले ८५ रन बनाउँदा रोहितले ६३ रन बनाएका थिए ।
भारतले वेष्ट इन्डिज विरुद्धको एक दिवसीय क्रिकेट सिरिज जितेको छ । आइतबार अन्तिम तथा तेस्रो एक दिवसीयमा ४ विकेटले पराजित गर्दै भारतले सिरिज २–१ ले जितेको हो ।
यो जितसंगै भारतले वेष्ट इन्डिजविरुद्ध लगातार १० सिरिज जितको रेकर्ड पनि राखेको छ । भारतले १७ पटक ३ सय प्लस रनको लक्ष्य पूरा गर्न सफल भएको छ ।
भारतको कटकमा भएको डे–नाइट खेलमा ३ सय १६ रनको फराकिलो लक्ष्य भारतले ४८.४ ओभरमा ६ विकेट गुमाएर पूरा गर्यो ।
भारतको जितमा कोहलीले ८५, लोकेश राहुलले ७७, रोहितले ६३ तथा रविन्द्र जडेजाले नटआउट ३९ रन बनााए । केमो पाउलले ३ विकेट लिए ।
यसअघि टस हारेर पहिले ब्याटिङ गरेको वेष्ट इन्डिजले ५० ओभरमा ५ विकेट गुमाएर ३ सय १५ रन बनाएको थियो ।
निकोलस पुरनले ८९ रन बनाउँदा कप्तान केइरन पोलार्डले अविजित ७४ रन बनाए । साई होपले ४२ र रोस्टन चेसले ३८ रन बनाए ।
भारतका डेब्यु ब्वाई नवदीप सैनीले २ विकेट लिए । यो जितले भारतले वर्ष २०१९ को अन्तिम एक दिवसीय सिरिज जितेको हो ।
यसअघि पहिलो खेलमा भारत ८ विकेटले हार्दा दोस्रो खेल १०७ रनले जितेको थियो ।
भारतले चौथो पटक वर्षको आखिरी एक दिवसीय सिरिज जित हासिलको सफलता पनि कायम गरेको छ ।
