- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतको जम्मू–कश्मीरमा पाकिस्तानी सेनाले गोलीबारी गर्दा भारतीय सेनाका अधिकृतको ज्यान गएको छ । गोलीबारीमा एक महिलाको समेत ज्यान गएको छ ।
उरी क्षेत्र निकट नियन्त्रण रेखामा पाकिस्तानी सेनाले गोलीबारी गरेको हो । बुधबार बिहानदेखि गोलीबारी भएको थियो । जवाफमा भारतीय सेनाले पनि कार्वाही थालेको जनाएको छ ।
गत आइतबार पनि कश्मीरको नौशेरा क्षेत्रमा नियन्त्रण रेखामा पाकिस्तानले गोलीबारी गरेको थियो ।
बुधबार मृत्यु हुने महिलामा २२ वर्षीया नसिमा बेगम भएको भारतीय संचारमाध्यमहरुले लेखेका छन् ।
गत अगष्ट ५ मा भारतको केन्द्र सरकारले अनुच्छेद ३७० हटाएपछि पाकिस्तानले जम्मू–कश्मीरमा गोलीबारीको क्रम बढाएको छ ।