काठमाडौं ।  भोजपुरी सिनेमाका सुपरस्टार तथा गोरखपुरका भाजपा सांसद रवि किशनका बुबाको मंगलबार राति निधन भयो। रवि किशनका बुबा श्याम नारायण शुक्लाले वाराणसीमा अन्तिम सास लिए । श्याम नारायण शुक्लाको ९२ वर्षको उमेरमा निधन भएको हो । उनको अन्त्येष्टि बुधवार दिउँसो मणिकर्णिका घाटमा गरियो। अभिनेता आफ्नो बुबाको अन्तिम विदाईको समयमा भावुक भए।

रवि किशन आफ्नो बुबाको मृत्युपछि भावुक हुदै भने- 'यो हाम्रो संसार थियो, आज उहाँ सँगै हुनुहुन्न। मेरो कुनै शिक्षक थिएनन्। न त मैले भगवानलाई देखेको छु। मेरो बुबाले मलाई आध्यात्मिकताबाट जीवन बिताउन सिकाउनुभयो। उहाँ मेरो गुरु साथै भगवान हुनुहुन्थ्यो। आज म धेरै एक्लो भएको छु। उहाँ  दुई महिनादेखि बिरामी हुनुहुन्थ्यो। आज, मेरो टाउकोबाट एक ठूलो ओत गुमेको छ। ३१ तारिख प्रत्येक वर्ष आउँनेछ तर शब्दमा भन्न सक्दैन मैले के गुमाए ।'

श्याम नारायण शुक्लाको केही महिनादेखि मुम्बईमा उपचार भइरहेको थियो । यद्यपि उनको स्वास्थ्यमा सुधार नआएपछि उनले वाराणसीमा आफ्नो शरीर त्याग्ने इच्छा व्यक्त गरेका थिए। यस्तो अवस्थामा उनलाई १५ दिन अघि वाराणसी लगिएको थियो। गोरखपुर सदरका सांसदले आफ्नो जीवनमा बुबालाई आफ्नो गुरुको रूपमा लिएका थिए। यस बाहेक उनले कसैलाई पनि आफ्नो गुरु मान्दैनथे।

रवि किशनको जन्म मुम्बईको सान्ताक्रूज क्षेत्रमा एउटा सानो चालमा भएको थियो तर उनको मूलघर जौनपुर हो। उनका बुबा पण्डित श्याम नारायण शुक्ला मुम्बईमा पुरोहित थिए र उनको सानो डेरीको व्यवसाय थियो। रवि किशन १० बर्षको हुँदा उनका बुबाको काकासँग झगडा भएको थियो र दुबै व्यवसाय बन्द गरेर जौनपुर फर्कनुपरेको थियो। रवि किशन त्यहाँ सात बर्षसम्म बसे तर उनलाई अध्ययन गर्न मन लागेन। उनलाई मुम्बईको यादले धेरै सताउथ्यो ।

जब रवि किशन मुम्बई आए, उनीसँग बसको टिकट किन्न पर्याप्त पैसा थिएन। उनी प्राय पैसा बचाउन पैदल यात्रा गर्थे। धेरैजसो समय उनको पाउरोटी खाएर दिन बित्थे। झन्डै एक बर्षको संघर्षपछि उनलाई फिल्म 'पिताबार' मा काम गर्ने अवसर मिल्यो। रवि किशनले कि यस सफलतामा उनका बुबाको ठूलो योगदान छ भनेर एक साक्षात्कारमा भनेका थिए । उनका पिता श्याम नारायण शुक्ला भगवानको आशिर्वादले छोरा रवि किशनको जन्म भएको विश्वास गर्दथे ।