- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारत र श्रीलंकाबीचको पहिलो टी–२० क्रिकेट रद्द भएको छ । भारतको गुवाहाटीमा आइतबार बेलुकी ७ः१५ देखि सुरु हुनुपर्ने खेल वर्षाले हुन नसकेपछि रद्द भएको हो ।
खेल रद्द हुनुअघि भारतले टस जितेर फिल्डिङ रोजेको थियो । तर वर्षा भएपछि श्रीलंका ब्याटिङका लागि मैदानमा उत्रनै सकेन ।
तीन खेलको सिरिजको पहिलो खेल रद्द भएपछि गुवाहाटीका दर्शक निकै उत्तेजित भएका छन् । पिच सुकाउन हेयर ड्रायर र आइरन गरेर सुकाउन खोजे पनि सम्भव नभएपछि स्थगित गर्नुपरेको हो ।
जित निकाल्दै भारतले अग्रता बनाउन चाहेको थियो । विगत भारतको राम्रो छ । अहिलेसम्म १६ टी–२० भएकामा भारतले ११ तथा श्रीलंकाले ५ खेल जितेको छ ।
भारतका लागि जसप्रित बुमराह ४ महिनापछि खेल्दैछन् भने शिखर धवन दुई महिनापछि टिममा फर्केका छन् ।
यो सिरिजमा रोहित शर्मा छैनन् । रोहित नहुँदा कप्तान विराट कोहलीलाई रेकर्ड बनाउन सजिलो भएको छ ।
रोहित र कोहलीले टी–२० मा समान २६३३ रन बनाएका छन् । रोहितले आराम पाएर कोहली खेल्दा एक रन बनाउना साथ कोहलीको रेकर्ड हुनेछ ।
भारतले अहिलेसम्म श्रीलंकासंग ६ सिरिज खेलेको छ । जसमा भारतले ५ सिरिज जितेको छ भने एक बराबरी भएको थियो ।
तीन खेलको सिरिजको दोस्रो खेल इन्दौरमा मंगलबार (७ जनवरीमा) हुनेछ ।