-
-
-
-
काठमाडौं । इंगलिश काराबाओ कप फुटबल इएफएलमा म्यान्चेस्टर सिटी विजयी भएको छ ।
म्यान्चेस्टर डर्बीको खेलमा म्यान्चेस्टर युनाइटेडमाथि ३–१ गोल अन्तरले जित निकालेसंगै सिटी फाइनल नजिक पुगेको छ ।
युनाइटेडको मैदानमा भएको सेमिफाइनल पहिलो लेगको खेलमा जित निकालेसंगै सिटी फाइनल नजिक पुगेको हो ।
बर्नार्डो सिल्भा र रियाद माहारेजले सिटीका लागि एक एक गोल गरे ।
घरेल मैदानमै म्यानचेस्टर युनाइटेडका परेराले आत्मघाती गोल गरेका थिए ।
युनाइटेडका लागि मार्कस रास्फोर्डले सान्त्वना गोल फर्काए ।
सेमिफाइनलको दोस्रो लेगको खेल जनवरी २९ तारिखमा म्यानचेस्टर सिटीको मैदानमा हुनेछ ।
दोस्रो सेमिफाइनलको खेलमा बुधबार लेस्टर सिटी र एस्टन भिल्ला खेल्नेछन् ।
