-
-
-
-
काठमाडौं । ११ मानिसको हत्यामा संलग्न खोजीको सूचीमा रहेको आतंकवादीलाई साथ दिने जम्मू–कश्मीर पुलिसका डिएसपीको वीरता पुरस्कार खोसिने सम्भावना बढेको छ ।
आतंकवादी नवीद बाबासंग गिरफ्तार परेका डिएसपी देविन्दर सिंहको पुरस्कार खोसिने सम्भावना बढेको हो । राष्ट्रपति वीरता पदक फिर्ता लिने प्रक्रियामथि विचार गरिएको बताइएको छ ।
कश्मीर पुलिसले देविन्दर सिंहको घटनाबारे गृहमन्त्रालयलाई जानकारी भइसकेको छ । सिंहसंग आईबी, रअ र सेनाको खुफिया टिमले पुछताछ गर्नेछ ।
त्यसपछिमात्र एनआईएले सिंह र बाबालाई नियन्त्रणमा लिनेछ । अहिलेसम्मको अनुसन्धानमा देविन्दर सिंह कयौं वर्षदेखि आतंकवादीहरुलाई सघाउने काममा लागेको र मोटो रकम असुल्दै आएको खुलेको छ ।
सिंहलाई आइतबार गिरफ्तार गरिएको थियो । आफ्नो कारमा बाबालाई सकुसल लैजाँदै गरेका अवस्थामा सिंह पक्राउ परेका हुन् ।
