- सुन चाँदी दर
- विनिमय दर
- नेपाली पात्रो
- राशिफल
काठमाडौं । अष्ट्रेलिया विरुद्धको पहिलो एक दिवसीय क्रिकेटमा भारतले लज्जास्पद हार बेहोरेको छ । मंगलबार राति मुम्बईमा भएको पहिलो खेलमा अष्ट्रेलियाले भारतलाई १० विकेटले पराजित गरेको हो ।
भारतले दिएको २ सय ५६ रनको विजयी लक्ष्य अष्ट्रेलियाले ३७.४ ओभरमा बिना कुनै विकेटको क्षति क्षतिमा पूरा गर्यो ।
डेभिड वार्नर र आरोन फिन्चले नटआउट इनिङ खेले । वार्नरले १ सय २८ र अविजित १ सय १० रन बनाए ।
भारतको इनिङ
टस हारेर पहिले ब्याटिङ गरेको भारतले ४९.१ ओभरमा अलआउट हुँदै २ सय ५५ रन बनाएको थियो । शिखर धवनले ७४, लोकेश राहुलले ४७ र ऋषब पन्तले २८ रन बनाए ।
अष्ट्रेलियाका मिचेल स्टार्कले ३ विकेट लिए । यस्तै प्याट कमिन्स र केन रिचर्ड्सनले समान २–२ विकेट लिए ।
जितसँगै अष्ट्रेलियाले तीन खेलको सिरिजमा १–० को अग्रता बनाएको छ । दोस्रो खेल १७ जनवरीमा राजकोटमा खेलिने छ ।
भारतको अहिलेसम्मकै फराकिलो हार
अष्ट्रेलियाले भारत विरुद्ध अहिलेसम्मकै फराकिलो जित निकालेको हो । अहिलेसम्म अष्ट्रेलियाले भारतलाई १० विकेटले हराएको थिएन ।
वार्नर र फिन्च बीच भारत विरुद्ध अहिलेसम्मकै उच्च साझेदारी बनाए । यो कुनै पनि विकेटका लागि भएको रेकर्ड हो । यसअघि सन् २०१६ मा तेस्रो विकेटका लागि स्टिम स्मिथ र जर्ज बेलीबीच २४२ रनको साझेदारी भएको थियो ।