- सुन चाँदी दर
- विनिमय दर
- नेपाली पात्रो
- राशिफल
काठमाडौं । बास्केटबलका दिग्गज खेलाडी कोबी ब्रायनको निधन भएको छ । आइतबार अमेरिकाको क्यालिफोर्नियामा भएको हेलिकप्टर दुर्घटनामा परी उनको निधन भएको हो ।
४१ वर्षीय कोबी आफ्नी १३ वर्षीया छोरी जियानासहित हेलिकप्टरमा सवार थिए । जियानको पनि निधन भएको छ ।
हेलिकप्टरमा रहेका सबै ९ यात्रीको नै मृत्यु भएको छ ।
दुई दशक बास्केटबलमा बिताएका कोबीले पूरै समय लस एन्जदस लेकर्सबाट खेलेका थिए ।
पाँच पटक एनबीए उपाधि जितेका उनले सन् २०१६ मा संन्यास लिएका थिए ।
उनी १८ सिजन अल स्टार टोलीमा पर्दै दुर्लभ सफलता हात पारेका थिए ।
कोबीको परिवारमा उनकी पत्नी भनेसा र अन्य तीन छोरीहरु नाटालिया, बियान्का र काप्री छन् ।
कोबीको निधनले विश्व बास्केटबलमात्र स्तब्ध छैन फुटबलप्रेमीहरुले समेत पनि समवेदना व्यक्त गरिरहेका छन् ।