काठमाडौं । बास्केटबलका दिग्गज खेलाडी कोबी ब्रायनको निधनले विश्व खेलकुद जगत् स्तव्ध छ ।
उनको आइतबार अमेरिकाको क्यालिफोर्नियामा भएको हेलिकप्टर दुर्घटनामा परी उनको निधन भएको हो ।
झस्कायो आठ वर्षअघिको ट्वीटरले
आठ वर्षअघि एक ट्वीटरप्रयोगकर्ता नोसोले कोबीको निधन हेलिकप्टर दुर्घटनामा हुने बताएका थिए । त्यतिबेला त्यो ट्वीटलाई वास्तविक र अवास्तविक भनी जोडिएको छ ।
तर १४ नोभेम्बर २०१२ मा नोसोले कोबीको मृत्यु हेलिकप्टर दुर्घटनामा हुँदै गरेको लेखेका थिए ।
अहिले उक्त ट्वीट भाइरल भइरहेको छ । यसलाई धेरैले फर्जी भने पनि यसले हैरान भने गराएको छ ।
कसैले त नोसोको समर्थन गर्दा ट्वीटर र फेसबुकमा एडिट अप्सन नभएको समेत बताएका छन् ।
आइतबारको घटना
४१ वर्षीय कोबी आफ्नी १३ वर्षीया छोरी जियानासहित हेलिकप्टरमा सवार थिए । जियानको पनि निधन भएको छ ।
हेलिकप्टरमा रहेका सबै ९ यात्रीको नै मृत्यु भएको छ । दुई दशक बास्केटबलमा बिताएका कोबीले पूरै समय लस एन्जदस लेकर्सबाट खेलेका थिए ।
पाँच पटक एनबीए उपाधि जितेका उनले सन् २०१६ मा संन्यास लिएका थिए । उनी १८ सिजन अल स्टार टोलीमा पर्दै दुर्लभ सफलता हात पारेका थिए ।
कोबीको परिवारमा उनकी पत्नी भनेसा र अन्य तीन छोरीहरु नाटालिया, बियान्का र काप्री छन् । कोबीको निधनले विश्व बास्केटबलमात्र स्तब्ध छैन फुटबलप्रेमीहरुले समेत पनि समवेदना व्यक्त गरिरहेका छन् ।
