- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोरोना भाइरसले पुर्याएको असरले मानिसको ज्यान त गाएको छ नै यसले जनजीवनमा ठूलो असर पुगेको छ । आर्थिक मन्दी लाग्न थालेको छ ।
कोरोनाबाट हङकङ पनि अछुतो छैन । डिसेम्बरको अन्तिमबाट बाहिरिएको कोरोना भाइरसले चीनमा मात्रै कम्तीमा ४ सय ९० जनाको ज्यान गएको छ । त्यसैगरी हङकङ र फिलिपिन्समा १–१ जनाको ज्यान गएको छ ।
यसैबीच हङकङले चीनबाट आफ्नो देश पुग्ने सबै नागरिकलाई १४ दिन क्वारेन्टाइनमा राख्ने निर्णय गरेको छ ।
हङकङमा २१ जनामा सङ्क्रमण देखिएको छ । त्रसित हङकङले अब चीनबाट पुग्ने सबैलाई १४ दिन क्वारेन्टाइनमा राख्ने भएको हो ।
आगामी शनिबार फेब्रुअरी ८ तारिखदेखि यो निर्णय लागू हुने बीबीसीले लेखेको छ ।
यसअघि हङकङका स्वास्थ्यकर्मीले चीनसँगको सबै सीमा बन्द गर्न माग गरेका थिए ।
तर त्यो आन्दोलनलाई भने हङकङ सरकारले अस्वीकार गरेको छ ।