- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतीय क्रिकेट टीमका कप्तान विराट कोहलीको नेतृत्वमा टीम इंडिया लगातार नयाँ उचाइहरूलाई छुँदै गएको छ। भारतीय टीमको ब्याटसम्यान विराट कोहलीको ब्राण्ड भ्यालु सबैभन्दा माथि रहेको छ ।
भारतीय क्रिकेटरहरू मध्ये ब्राण्ड भ्यालु सन्दर्भमा विराट कोहली पहिलो, भारतीय टीमका पूर्व कप्तान महेन्द्र सिंह धोनी दोस्रो स्थानमा छन्। डफ एंड फेलप्स ब्रांड भ्यालुएशनको अध्ययनमा आधारित तथ्याङकका अनुसार विराट कोहलीको ब्राण्ड भ्यालु रोहित शर्मा भन्दा दस गुणा बढी छ।
२०१९ मा विराट कोहलीको ब्राण्ड भ्यालु ३९ प्रतिशतले बढेको छ । अब उनको भ्यालु २३७.५ मिलियन अमेरीकी डलर पुगेको छ । अर्थात २७ अर्व ११ करोड नेपाली रुपैयाँ बराबार पुगेको छ । कोहली सबै फर्मेटमा कप्तानका रुपमा सबैभन्दा बढी रन बनाउने भारतीय खेलाडी हुन् । उनले महेन्द्र सिंह धोनीको रेकर्ड तोडेका छन् । कोहलीले १९९ इनिङमा ११२०८ रन बनाए भने धोनीले ३३० इनिङमा ११२०७ रन बनाएका थिए । कोहलीले कप्तानका रुपमा ८२ इनिङमा ५००० रन पूरा गरेका छन् । धोनीले १२७ इनिङमा पूरा गरेका थिए ।
साथै अर्का पूर्व कप्तान महेन्द्र सिंह धोनीको ब्राण्ड भ्यालू विराट पछि छ । धोनीको ब्राण्ड भ्यालू ४१.२ मिलियन अमेरीकी डलर छ। धोनीको बा्राण्ड भ्यालु ४ अर्व ७० करोड रुपैयाँ रहेको छ । धोनी र विराटबीच ब्राण्ड भ्यालूमा ठूलो अन्तर छ।
आईसीसी विश्वकप २०१९ को सेमीफाइनलमा न्युजिल्यान्डले भारतलाई पराजित गरेपछि एमएस धोनी लामो ब्रेकमा छन्। इन्डियन प्रिमियर लिग (आईपीएल) को आगामी सत्रले धोनीको भविष्य निर्धारण गर्ने बताइएको छ । किनकि यस टूर्नामेन्टले भारतको टी २० विश्वकप टीम र एशिया कप २०२० टीम चयन गर्नेछ।
भारतीय क्रिकेटरमध्ये ब्राण्ड भ्यालुको सन्दर्भमा तेस्रो स्थानमा पूर्व ओपनर ब्याट्सम्यान सचिन तेन्दुलकर रहेका छन् । भारतका स्टार पुर्व खेलाडी सचिन तेन्दुलकरको ब्राण्ड भ्यालु २५.१ मिलियन डलर रहेको छ । अर्थात २ अर्व ८६ करोड नेपाली रुपैयाँ रहेको छ ।
ब्राण्ड भ्यालुको मामिलामा रोहित शर्मा चौथो स्थानमा छन्। २३ मिलियन डलरको ब्राण्ड भ्यालु छ । अर्थात उनको २ अर्व ६२ करोड नेपाली रुपैयाँ रहेको छ ।
लोकप्रियताका आधारमा भने धोनी, विराट कोहली र सचिन तेन्दुलकर भन्दा अगाडि छन। यु गबले एजेन्सीले गरेको सर्वेक्षणमा जसमा प्रधानमन्त्री नरेन्द्र मोदी पुरुष सूचीको शीर्ष स्थानमा छन्।
भारतीय सेलिब्रेटीहरूको ब्राण्ड भ्यालुको बारेमा कुरा गर्दा विराट शीर्ष स्थानमा छन् । भने फिल्म अभिनेता अक्षय कुमार दोस्रो स्थानमा छन्। हिन्दी फिल्म अभिनेत्री दीपिका पादुकोण तेस्रो स्थानमा छिन् । उनको पति रणवीर सिंह चौथो स्थानमा छन्। शाहरुख खान पाँचौं, सलमान खान छैठौं स्थानमा छन्।
अक्षय कुमार लगातार हिट फिल्म दिएर सेलिब्रेटीहरूको ब्राण्ड भ्यालुको दोस्रो स्थानमा रहेका छन् । अक्षय कुमारको १०४.५ मिलियन डलरको ब्राण्ड भ्यालु छ । अर्थात उनीको ११ अर्व ९२ करोड नेपाली रुपैयाँ रहेको छ ।
चर्चित बलिउड जोडी रणवीर सिंह र दीपिका पादुकोण एकसाथ बलिउडमा राज गरिरहेका छन्। अभिनेतामा रणवीर र अभिनेत्रीमा दीपिका बलिउडका शीर्ष स्टारहरू हुन्। तेस्रो स्थानमा रहेकी अभिनेत्री दीपिका पादुकोणको ब्राण्ड भ्यालु ९३.५ मिलियन अमेरीकी डलर छ । उनको १० अर्व ६७ करोड नेपाली रुपैयाँ रहेको छ ।
उतिनै ब्राण्ड भ्यालुमा दीपिकाका पति रणवीर सिंह चौथो स्थानमा छन्। रणवीरको ब्राण्ड भ्यालु पनि दीपिकाका बराबर ९३.५ मिलियन अमेरीकी डलर छ । उनको १० अर्व ६७ करोड नेपाली रुपैयाँ रहेको छ । दीपिका पादुकोणको घर मुंबईको प्रभादेवीको ब्यूमन्ड टावरमा छ। ३३ तल्ला अग्लो भवनमा दीपिकाको फ्ल्याट २६ औं तलामा छ। २०१० मा दीपिकाले यो फ्ल्याट १६ करोड भारतीय रुपैयाँमा किनेकी हुन् । इन्डियन एक्सप्रेसका अनुसार रणवीर सिंहले यस भवनमा चार बीएचके फ्ल्याट भाडामा लिएका छन्।
यस सूचीको पाँचौ स्थानमा किंग खान रहेका छन् । पाँचौं स्थानमा रहेका शाहरुख खानको ब्राण्ड भ्यालु ६६.१ मिलियन अमेरीकी डलर छ । उनको ७ अर्व ५४ करोड नेपाली रुपैयाँ रहेको छ । शाहरुख ब्राण्ड भ्यालुको मामिलामा सबल स्थानमा थिए । शाहरुख खानका अन्तिम पटक फिल्म जीरोमा देखिएका थिए । यस फिल्ममा शाहरुखले एउटा बाम पुड्को भूमिकामा थिए । यस फिल्ममा शाहरुखसँग अभिनेत्री अनुष्का शर्मा र कट्रीना कैफ पनि मुख्य भूमिकामा थिए। चलचित्रमा शाहरुख पत्नी गौरी निर्माता थिइन् । यद्यपि फिल्म बक्स अफिसमा राम्रोसँग पछारियो, असफल भयो। यो फिल्म पछि, प्रशंसकहरू शाहरुखको फिल्म देखन पाएका छैनन् । शाहरुखको अर्को फिल्म कुन हुनेछ भनेर कुनै अत्तोपत्तो छैन। उनको ध्यालु घटेर ६६.१ मिलियन अमेरीकी डलर पुगेको हो ।
छैठौं स्थानमा रहेका बलिउड स्टार सलमान खानको ब्राण्ड भ्यालु ५५.७ मिलियन अमेरीकी डलर छ । उनको ६ अर्व ३५ करोड नेपाली रुपैयाँ रहेको छ । हालै सलमानको चलचित्र दवंग ३ रिलिज भएको थियो । क्रिसमसमा रिलिज भएको फिल्मले ठूलो व्यापार गर्न सकेन ।
आईपीएलका २५ महंगा खेलाडी सबैभन्दा बढि थाप्ने शर्मा, धोनी र कोहलीको कति छ तलब ? (मूल्यसहित)
आईपीएल २०२०, विश्वको सबैभन्दा महँगो क्रिकेट लिग हुने अनुमान लगाउन सकिन्छ। ८ टोलीले दर्जनौं खेलाडीहरूको बिड गर्नु पर्नेछ। भारतीय क्रिकेट कन्ट्रोल बोर्ड (बीसीसीआई) ले सार्वजनिक गरेको सूची अनुसार रोहित शर्मा, एमएस धोनी र विराट कोहलीले यस बर्षको आईपीएलमा सबैभन्दा ज्यादा तलब लिएका छन् ।
रोयल चेलेन्जर बंगलोर (आरसीबी) का कप्तान विराट कोहली, मुम्बई इन्डियन्स (एमआई) का कप्तान रोहित शर्मा र चेन्नई सुपर किंग्स (सीएसके) कप्तान महेन्द्र सिंह धोनीले यस बर्षको आईपीएलमा सबैभन्दा बढी तलब पाएका छन्। उनीहरूको वरिपरि कुनै खेलाडी छैन जसले यति धेरै पैसा पाउँछ। यद्यपि विराट कोहलीको तलब रोहित शर्मा र एमएस धोनी भन्दा बढी छ।
विराट कोहली एक मात्र खेलाडी हुन् जसले यस लिगमा सबैभन्दा बढी पैसा लिएका छन् । विराटले आईपीएलको एक सिजनका लागि आरसीबी फ्रान्चाइजीबाट १७ करोड भारतीय रूपैयाँ पाउँछन्। त्यस्तै मुम्बई इन्डियन्सलाई ४ पटक जिताएका रोहित शर्माले आफ्नो टोली मालिकहरूबाट १५ करोड भारतीय रूपैयाँ पाउँछन्। समान राशि चेन्नई सुपर किंग्सका कप्तान एमएस धोनीलाई पनि जान्छ, जसले सीएसकेलाई ३ पटक च्याम्पियन बनाएका थिए।
३ कप्तानहरुपछि दिल्ली क्यापिटलका विकेटकीपर रिषभ पंतले सबैभन्दा बढी रकम पाउँछन्। रिषभ पंतले दिल्ली क्यापिटलबाट एक सिजनको १५ करोड रूपैयाँ पाउँछन्।
यसपछि चार खेलाडीहरूले समान साढे १२ करोड प्राप्त गर्छन्। यसमा सुनील नारायण, बेन स्टोक्स, स्टीव स्मिथ र डेभिड वार्नर छन् । यी बाहेक थप ५ खेलाडीहरुले आईपीएल सत्रका लागि ११-११ करोड रूपैयाँ पाउँछन्। यसमा हार्दिक पांड्या, सुरेश रैना, केएल राहुल, मनीष पाण्डे र एबी डिभिलियर्स छन्।
आईपीएलमा सबैभन्दा बढि तलब पाउने खेलाडी (भारतीय रुपैयाँमा)
१. विराट कोहली (आरसीबी) - १७ करोड
२. एमएस धोनी (सीएसके) - १५ करोड
३. रोहित शर्मा (एमआइ) - १५ करोड
४.रिषभ पंत (डिसी) - १५ करोड
५. स्टीव स्मिथ (आरआर) - १२.५० करोड
६. डेभिड वार्नर (एसआरएच) - १२.५० करोड
७. बेन स्टोक्स (आरआर) - १२.५० करोड
८. सुनील नरेन (केकेआर) - १२.५० करोड
९. सुरेश रैना (सीएसके) - ११ करोड
१०. मनीष पाण्डे (एसआरएच) - ११ करोड
११ केएल राहुल (के११पी) - ११ करोड
१२. हार्दिक पांड्या (एमआइ) - ११ करोड
१३. एबी डिभिलियर्स (आरसीबी) - ११ करोड
१४. राशिद खान (एसआरएच) - ९ करोड
१५. कृणाल पांड्या (एमआइ) - ८.८० करोड
१६. भुवनेश्वर कुमार (एसआरएच) - ८.५० करोड
१७. आंद्रे रसल (केकेआर) - ८.५० करोड
१८. संजु सैमसन (आरआर) - ८ करोड
१९. केदार जाधव (सीएसके) - ७.८० करोड
२०. आर अश्विन (डिसी) - ७.६० करोड
२१. दिनेश कार्तिक (केकेआर) - ७.४० करोड
२२. जोफ्रा आर्चर (आरआर) - ७.२० करोड
२३. जसप्रीत बुमराह (एमआइ) - ७ करोड
२४. श्रेयस अय्यर (डिसी) - ७ करोड
२५. रविन्द्र जडेजा (सीएसके) - ७ करोड