- सुन चाँदी दर
- विनिमय दर
- नेपाली पात्रो
- राशिफल
काठमाडौं । चीनको वुहान सहरबाट फैलिएको कोरोना भाइरसले विश्वका २७ राष्ट्रमा संक्रमण फैलिएको छ । त्यस अन्तर्गत नेपालमा एक जनामा संक्रमण देखिएको छ ।
तर संक्रमण अझै बढी हुन सक्ने दावी हुन थालेको छ । चीनबाट नेपालमा चिनियाँ आउने क्रम रोकिएको छैन ।
उनीहरुले कतै कोरोना लिएर आएका त छैनन् भन्ने प्रश्न पनि खड्किएको छ । चीनबाट नेपाल आउने चिनियाँलाई नेपाल प्रवेशमा कडाइ गर्नुको सट्टा त्रिभुवन अन्तर्राष्ट्रिय विमानस्थलमा सहजै प्रवेश पाएको बताइएको छ ।
कोरोनाको संक्रमणपछि सात सय भन्दा बढी चिनियाँ नेपाल भित्रिसकेको बताइन्छ । जबकि चीनमा रहेका १८१ नेपाली विद्यार्थीलाई सरकारले ल्याउन सकिरहेको छैन ।
ती नेपालीलाई फागुन ३ गते ल्याएर क्वारेन्टाइनमा राख्ने बताइएको छ । तर चिनियाँहरु कता छन् ?
यसैबीच कोरोना भाइरसले चीनमा २० दिनमा पाँच लाख चिनियाँमा संक्रमण फैलिन सक्ने अनुमान गरिएको छ ।
ब्लुमबर्गको एक रिपोर्टअनुसार फेब्रुअरीको अन्त्यसम्ममा चीनको सबैभन्दा प्रभावित वुहानमा पाँच लाख मानिस कोरोनाको चपेटामा पर्न सक्छन् ।
सन् २००२–०३ मा आएको सार्स भाइरलको तुलनामा अहिले बढीको ज्यान गएको छ ।
त्यतिबेला ७७४ जनाको ज्यान गएकोमा यसपटक त्यो संख्या नाघेर एक हजार भन्दा बढी भएको छ ।
सोमबार एकै दिन १०३ जनाको मृत्यु भएपछि यो संख्या हार पनि नाघेको हो । सोमबार २०९७ नयाँ संक्रमित भेटिएका छन् ।
विश्व स्वास्थ्य संगठनको टोलीसमेत चीन पुगेको छ । ४२ हजार भन्दा बढी संक्रमित भइसकेका छन् ।
वुहान सहर गत जनवरी २३ देखि सटडाउन छ । आवतजावतमा प्रतिवन्ध छ । त्यस्तै एक करोड १० लाख मानिस आफ्नो घरमा कैद छन् ।
लन्डन स्कुल अफ हाइजिन एन्ड ट्रपिकल मेडिसिनले हरेक दिन संक्रमित भएकाहरुको आँकडाको अध्ययन गरिरहेको छ ।
यसले कोरोना फैलिने तरिकाको समेत अध्ययन गरिरहेको छ ।
सोमबार चिनियाँ राष्ट्रपति सी चिनफिङले कोरोना प्रभावित अस्पतालको भ्रमण गरेका छन् ।