- सुन चाँदी दर
- विनिमय दर
- नेपाली पात्रो
- राशिफल
काठमाडौं । अब नेपाली गायकका लागि अमेरिकन आइडलको फोरम पनि टाढाको विषय रहेन । नेपाली एक युवक नेपाली युवक अमेरिकन आइडलमा छानिएसंगै उनको चर्चा चुलिएको छ ।
अमेरिकन आइडलको १८ औं संस्करणमा दिवेश पोखरेल उत्कृष्ट २० मा छानिएका छन् ।
त्यतिमात्र होइन काठमाडौंका दिवेशले निर्णायकबाट प्रशंसा पनि उत्तिकै पाएका छन् । निर्णायकहरु केटी पेरी, लियोनल रिची र लुक ब्रायनले दिवेशको गायनको उच्च तारिफ गरेका हुन् ।
अडिसनकै क्रममा ब्रायनले सबैभन्दा प्रशंसा गरेका हुन् । निकै कन्फिडेन्ट देखिएका दिवेशलाई ब्रायनले भने, ‘मलाई लाग्छ कि अमेरिकन आइडललमा हामीसँग अहिलेसम्म भएकामध्ये यो ठूलो तारा हुनसक्छ ।’
लियोनल रिची स्टेजमै आएर दिवेशलाई अंकमाल गरे । केटी पेरीले भनिन्, ‘तिमी रकस्टार हौं ।’
दिवेशले अमेरिकामा मात्र होइन विभिन्न देशका प्रतिभावान बीच भिडन्त हुने शोमा अडिसन राउन्डबाटै ‘हलिउड पर्फमेन्स’ को अनुमति पाएका छन् ।