-
-
-
-
काठमाडौं । कोरोना भाइरसले विश्वलाई नै नछोड्ने संकेत ल्याएको छ । चिनियाँमा मात्र देखिएको कोरोनाले एसियालाई मात्र हैन युरोपलाई पनि आक्रान्त पारेको छ ।
विश्व स्वास्थ्य संगठन डब्ल्यूएचओले त चेतावनी दिँदै महामारीको सामना गर्न तयार रहन चेतावनी दिइसकेको छ ।
कोरोनाले अहिलेसम्म २६ सय बढीको ज्यान गइसकेको छ भने एक लाखको हाराहारीमा संक्रमित भएका छन् ।
उक्त क्रममा इरानमा कोरोना भाइरसको संक्रमण जटिल बन्दै गएको इरानी स्वास्थ्य मन्त्रालयका अधिकारीले बताएका छन् । इरानका उप–स्वास्थ्य मन्त्री इरज हरिर्चीलाई कोरोना भाइरसको संक्रमण भएको मन्त्रालयका एक अधिकारीले बताए ।
इरानमा उच्च अधिकारीमा कोरोना भाइरसको सङ्क्रमणको पुष्टि भएको यो पहिलो घटना हो ।
सरकारका प्रवक्ता अलि रबिएसँगै सोमबार गरेको पत्रकार सम्मेलनका दौरानमा हरिर्चीले पटक पटक खोकेका थिए भने पसिना समेत बगेको थियो ।
यता इटालीमा पनि ११ जनाको ज्यान गइसकेको छ ।
