- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतले कोरोना भाइरस (कोभिड–१९) को संक्रमणबाट बच्नका लागि एक नेपालीको समेत उद्दार गरेर भारत ल्याएको छ ।
भारतले जापानको टोकियोस्थित पानीजहाजमा रहेका एक नेपालीसहित १ सय २४ जनाको उद्दार गरेको हो ।
भारतीय विदेशमन्त्री एस जयशंकरले दिएको जानकारी अनुसार भारतले आफ्ना १ सय १९ र पाँच विदेशीलाई उद्दार गरी बिहीबार नयाँदिल्ली ल्याएको हो ।
उद्धार गरिएका विदेशीमा श्रीलंकाका दुई तथा नेपाल, दक्षिण अफ्रिका र पेरुका एक एक जना हुन् ।
भारतले कोरोना भाइरस संक्रमण देखिएको डाइमन्ड प्रिन्सेस पानीजहाजमा रहेका सबै भारतीय तथा विदेशीलाई एयर इन्डियाको विशेष विमानमा नयाँदिल्ली ल्याएको हो ।
नेपाल सरकार जानकार छ ?
नेपालको परराष्ट्र मन्त्रालयले ती नेपाली को हुन् भनी जनाएको छैन ।
परराष्ट्र मन्त्री प्रदीप ज्ञवालीले पनि केही उल्लेख गरेका छैनन् ।
भारतीय विदेशमन्त्री जयशंकरले एक नेपाली भने पनि उनको परिचय खुलाएको छैन ।
उनी कपनकी अम्बिका बस्नेत रहेको बताइएको छ ।