-
-
-
-
काठमाडौं । महामारीकै रुपमा फैलिएको कोरोना भाइरसले कम्तीमा तीन हजार जनाको ज्यान गइसकेको छ ।
तीमध्ये अधिकांश चिनियाँ नागरिक हुन् । चीनको वुहानबाट फैलिएको कोरोनाले विश्व नै आत्तिएको छ ।
यसबाट बच्नका लागि विभिन्न उपायहरु अपनाइएका छन् । यद्यपि अमेरिकामा कोरोना भाइरसका कारण एकजनाको मृत्यु भएको छ ।
स्थानीय स्वास्थ्य अधिकारीले शनिबार वाशिङ्टनको किङ्ग्स काउन्टीमा ५० वर्षीय एक व्यक्तिको मृत्यु भएको जानकारी दिएका हुन् ।
उनी कुनै पनि संवेदनशिल क्षेत्रको भ्रमणसमेत नगरेका व्यक्ति भएको बीबीसीले लेखेको छ ।
कोरानाले अहिलेसम्म ५७ देशमा आक्रमण गरिसकेको छ ।
८५ हजार भन्दा बढीलाई संक्रमण देखिइसकेको छ ।
नेपालमा आधिकारिक रुपले एक जनामात्र संक्रमित भेटिए पनि कयौं संक्रमित भएको हुन सक्ने आशंका गरिएको छ ।
