- सुन चाँदी दर
- विनिमय दर
- नेपाली पात्रो
- राशिफल
काठमाडौं । कलिउडका नायक नायिका प्रियंका कार्की र नायक आयुष्मान देशराज जोशीले गत साता बिहे गरे । बिहे भने भारतीय संस्कार अनुसार गरे ।
नेपालीले भारतीय संस्कार अनुसार बिहे गर्दा आलोचनाको पनि सामना गर्नुपर्यो ।
भारतीय संस्कारको नक्कल गरेको भन्दै उनीहरुमाथि खनिएका शुभेच्छुकहरुका लागि प्रियंकाले स्पष्टिकरण नै दिनुपरेको हो ।
प्रियंकाले आफूहरु दुवैको मावलीको पुर्खा भारतीय भएको खुलाएकी छिन् । उनले आमापट्टिको पुर्खालाई सम्मान गर्न भारतीय र नेपाली संस्कार मिश्रण गरेको बताइन् ।
उनले सामाजिक संजालमा लेखेकी छिन– ‘मेरी आमा रक्षा मल्होत्रा आधा नेपाली र आधा पञ्जाबी हुनुहुन्छ । हाम्रो आमापट्टिको हजुरबा पञ्जाबी हुनुहुन्छ र हाम्रो परिवार अमृतसर र हरियाणामा छ । आयुष्मानको पनि आमाको हजुरबा पनि पञ्जाबी हुनुहुन्छ । उहाँको देशराज थर त्यतैबाट आएको हो ।’
यति भएपछि टन्टै साफ । प्रतिक्रिया आउने आइरहन्छन् ।
लामो समयदेखि प्रेममा रहेका उनीहरुले फागुन १६ गते कानुनी र १७ गते परम्परागत विवाह गरेका थिए । इन्गेजमेन्ट भने गत वर्ष नै भएको थियो ।
त्यसैगरी बिहे अगाडि ‘ब्याचलर पार्टी, मेहेन्दी र संगीत सेरेमोनी लगायत गरेका थिए ।