एजेन्सी । बलिउड अभिनेत्री कट्रीना केफको बारेमा नयाँ चर्चा सुरु भएको छ । कट्रीना अभिनेता सलमान ख़ानको होम प्रोडक्शनमा पुन: आउन लागेकि छन् ।
टाइम्स अफ इन्डियाका अनुसार सलमानको होम प्रोडक्शनको एक चलचित्रको निर्देशन तरुण मनसुखानीले गर्ने भएका छन् । तरुणले बितेको ८ बर्षपछि चलचित्र निर्देशन गर्न गइरहेका हुन् । उनले अन्तिम निर्देशन गरेको चलचित्र 'दोस्ताना' हो । समचारका अनुसार तरुणको निर्देशनमा बन्ने फिल्ममा फीमेल लीडको लागि कट्रीना केफलाई फाइनल गरिएको छ । तर सो फिल्ममा मुख्य पुरुष भुमिका भने फाइनल भएको छैन ।
बलिउडमा एक अटकल काटिदैछ कि रणबीर कपूरिसँग ब्रेकअप भएपछि कट्रीनाको लागि सलमानले गाइडको रुपमा काम गरिरहेका छन् । यसमा सलमानको होम प्रोडक्शनमा बन्ने चलचित्रको लागि कट्रीनालाई चुनिनु अर्थपुर्ण रुपमा हेर्न सकिन्छ ।
