- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश ला लिगा फुटबलमा बार्सिलोना शीर्ष स्थानमा उक्लिएको छ । लियोनल मेस्सीको गोलमा बार्सिलोना शीर्ष स्थानमा उक्लिएको हो ।
शनिबार राति भएको खेलमा बार्सिलोनाले रियाल सोसिडाडलाई १–० गोल अन्तरले हरायो ।
खेलको ८१ औं मिनेटमा मेस्सीले पेनाल्टीमा गोल गर्दै बार्सिलोनालाई महत्वपूर्ण तीन अंक दिलाए ।
जारी सिजनमा मेस्सीले १९ गोल गरिसकेका छन् ।
अन्य खेलको नतिजा
आइबर १–२ मयोर्का
एथलेटिको मड्रिड २–२ सेभिल्ला
गेटाफे ०–० सेल्टाभिगो
अंक तालिका
बार्सिलोना २७ खेलबाट ५८ अंकसहित तालिकाको शीर्ष स्थानमा पुनः पुगेको छ । २६ खेलबाट दोस्रो स्थानको रियाल मड्रिडको ५६ अंक छ ।
तेस्रो स्थानको सेभिल्लाको ४६ तथा गेटाफेको ४६ अंक छ ।
एथलेटिको मड्रिडको ४५ अंक छ भने रियाल सोसिडाड ४३ अंक सहित तालिकाको छैटौं स्थानमा यथावत छ ।