काठमाडौं । चर्चित पुर्व फुटबलर रोनाल्डिन्हो र उनका भाइ रोबेर्टोलाई पाराग्वेकै जेलमा राख्न अदालतले आदेश दिएको छ। दक्षिण अमेरिकाका राष्ट्रमा नक्कली कागजात बनाई छिरेको आरोपमा उनीलाई पाराग्वेकै जेलमा राख्न अदालतले आदेश दिएको हो । होटलमा रोनाल्डिन्हो र रोबेर्टोको नाममा पाराग्वेको नक्कली पासपोर्ट भेटिएको थियो ।
रोनाल्डिन्हो ब्राजिल राष्ट्रिय टिमका पूर्वफुटबल खेलाडी हुन् । लाइसेन्सबिना नै पोखरीमा माछा मार्न थालेपछि उनले जरिवानसहित २०१८ मा पासपोर्ट खोसिएको थियो । अदालतले दुवै दाजुभाइलाई नै कार्बाही गरेको थियो । उनीसँग अहिले पार्सपोर्ट छैन । यसकारण पार्सपोर्ट बिना उडानमा हुने जोखिमले पाराग्वेमै राख्न आदेश दिइएको बताइएको छ ।
पाराग्वेको एक रिसोर्टबाट रोनाल्डिन्हो र उनका भाइ रोबेर्टोलाई पक्राउ गरिएको थियो । पाराग्वेको गृहमन्त्रालयका अनुसार, रोनाल्डिन्हो र रोबर्टोलाई पक्राउ गरेर रिसोर्ट याच्ट एन्ड गल्फ क्लबमा राखिएको छ । रोनाल्डिन्होले भने रिहाइको माग गरेका थिए। पाराग्वेको कानून अनुसार अनुसन्धानका लागि ६ महीना लाग्न सक्ने बताइएको छ।
यसअघिको लफडामा दाजुभाइबाट ८५ करोड डलर जरिवाना असुल गरिएको थियो । साथै उनीहरुको पासपोर्ट खोसेर विदेश जान रोक लगाइएको थियो । सन् २०१५ मा पनि ब्राजिल उनको कागजात र अदालती प्रकृयालाई लिएर विवाद भएको थियो। सन् २००२ मा ब्राजिलले विश्वकप जित्दा महत्वपूर्ण खेलाडीका रुपमा रोन्हाल्डिनो पनि एक थिए ।
