-
-
-
-
काठमाडौं । । गत वर्षको विश्वकप एक दिवसीय क्रिकेटमा न्यूजिल्याण्डसंग सेमिफाइनलमा पराजित भएपछि मैदानमा नउत्रिएका भारतीय विकेटकिपर एवं पूर्व कप्तान महेन्द्र सिंह धोनीको पुनः कमब्याक गर्ने सम्भावनालाई लिएर विभिन्न आशंकहरु पैदा भएका छन् ।
धोनीलाई राष्ट्रिय टिममा फर्काउने बारेमा विभिन्न सर्तहरु समेत राखिएको छ । भारतीय क्रिकेट बोर्ड (बीसीसीआई) को राष्ट्रिय चयन समितिको अध्यक्षमा दुई जना नयाँ सदस्य समावेश गरिएपछि धोनको बारेमा प्रश्न थप उब्जिएको छ ।
बीसीसीआईले धोनीलाई राष्ट्रिय टिममा ल्याउन आसन्न आईपीएल टी–२० क्रिकेटमा राम्रो प्रदर्शन गर्नुपर्ने सर्त तेस्र्याएको हो । आईपीएल यही मार्च २९ तारिखदेखि सुरु हुँदैछ ।
आईपीएलका लागि धोनीले चेन्नई सुपर किङ्ग्सबाट तयारी सुरु गरिसकेका छन् ।
गत जनवरीमै पूर्व प्रमुख चयनकर्ता एमएसके प्रसादले आइपीएलमा राम्रो प्रदर्शन गरे मात्र भारतीय टिममा फर्किन सक्ने बताएका थिए ।
