एजेन्सी । इंगलिश प्रिमियर लिग फुटबलमा म्यान्चेस्टर सिटी र चेल्सी विजयी भएका छन् । शनिबार राति भएको खेलमा म्यान्सिटीले घरेलु मैदानमा स्टोक सिटीलाई ४–० को फराकिलो अन्तरले हरायो । म्यान्सिटीलाई विजयी गराउन केलेची हिनाचोले दुई तथा फर्नान्डो र सर्जिओ अगुएरोले एक–एक गोल गरे । जितसंगै म्यान्सििटीले दोस्रो स्थानको टोटनह्यामसंग अंक दुरी कम गरेको छ ।
यस्तै, चेल्सीले एएफसी बर्नमाउथलाई ४–१ ले हराएको छ । चेल्सीलाई विजयी गराउन इडेन हाजार्डले दुई तथा पेड्रो रोड्रिग्वेज र विलियनले एक–एक गोल गरे । बर्नमाउथका टोमी इल्फिकले एक गोल फर्काए । यस्तै, साउथ ह्याम्पटनले एस्टन भिल्लालाई ४–२ ले हराउँदा लिभरपुल र न्यूकासल युनइटेडले २–२ को बराबरी खेले । आर्सनल १ अंकले पछि पर्दा म्यान्सिटी तेस्रो स्थानमा छ । सिटीको ६४ अंक हुँदा एक खेल कम खेलेको आर्सनलको ६३ अंक छ । लिग लिडर लेस्टर सिटीको ७३ अंक छ । यस्तै, ६८ अंक बटुलेको टोटनह्याम दोस्रो स्थानमा छ ।
