Skip

राष्ट्रिय सभाको बैठक नबस्ने

प्रकाशित मिति : २०७६ चैत ७ शुक्रबार

काठमाडौं । राष्ट्रिय सभाको बैठक स्थगित भएको छ ।  शुक्रबार १ बजे बस्ने गरी निर्धारण गरिएको राष्ट्रिय सभाको बैठक विषेश कारणवश रोकिएको हो । अर्को सूचना नभएसम्मको लागि स्थगित गरिएको संघीय संसदको कार्यवाहक महासचिव गोपालनाथ योगीद्वारा जारी विज्ञप्तिमा उल्लेख छ ।

राष्ट्रिय सभा (पहिलो संशोधन सहित) नियमावली, २०७५ को नियम ६ को उपनियम (३) बमोजिम अध्यक्षले अर्को सूचना जारी गर्ने छन् ।

संघीय संसद
राष्ट्रिय सभा
सूचनापत्र-४

२०७६ साल चैत ७ गते शुक्रबार

आज मिति २०७६ साल चैत ७ गते शुक्रबार दिनको १ बजे बस्ने गरी निर्धारण गरिएको संघीय संसद, राष्ट्रिय सभाको बैठक विषेश कारणवश तोकिएको समयमा बस्न नसक्ने भएकोले राष्ट्रिय सभा (पहिलो संशोधन सहित) नियमावली, २०७५ को नियम ६ को उपनियम (३) बमोजिम सम्माननीय अध्यक्षज्यूले अर्को सूचना नभएसम्मको लागि स्थगित गर्नुभएको व्यहोरा माननीय सदस्यहरुको जानकारीको लागि यो सूचना प्रकाशन
गरिएको छ।


(गोपालनाथ योगी)
संघीय संसदको कार्यवाहक महासचिव

 

नयाँ