काठमाडौं। भारतमा जारि आईपीएल क्रिकेट प्रतियोगितामा भारतीय क्रिकेट टोलीका एकदिवसिय र टि-२० टोलीका कप्तान महेन्द्र सिंह धोनीको टोली पुणे सुपरजायन्ट्स र भारतीय टेष्ट टोलीका कप्तान विराट कोहलीको टोली रोयल च्यालेन्जर्स बेंगलोर पराजित भएका छन्।
कोहलीको टोली बेंगलोरलाई गुजरात लायन्सले ६ विकेटले पराजित गरेको हो भने धोनीको टोली पुणेलाई कोलकाता नाईट राईडर्सले २ विकेटले पराजित गरेको हो।
बेंगलोर- गुजरात
टस जितेर पहिले ब्याटिङ गरेको बेंगलोरले निर्धारित २० ओभरमा २ विकेटको नोक्सानीमा १८० रन बनाएको थियो। कप्तान कोहलीले ६३ बलमा १ चक्का र ११ चौकाको मदतले १००* रन बनाएका थिए। त्यसैगरि केएल राहुलले ३५ बलमा ५१ रनको योगदान दिएका थिए।
जवाफमा ब्याटिङ गर्न ओर्लेको गुजरातले १९.३ ओभरमा ४ विकेटको नोक्सानीमा १८२ रन बनाएको थियो। उसकालागि दिनेश कार्तिकले ३९ बलमा ५०* रन बनाएका थिए। त्यसैगरि ब्रेण्डन मकलमले २४ बलमा ४२ रनको योगदान दिएका थिए।
खेलका प्लेयर अफ द म्याच शतक बनाएका विराट कोहली घोषित भएका थिए।
कोलकाता-पुणे
टस हारेर पहिले ब्याटिङ गरेको पुणेले निर्धारित २० ओभरमा ५ विकेटको क्षतिमा १६० रन बनाएको थियो ।अजन्के रहाणेले ५२ बलमा ६७ रन बनाएका थिए। २८ बलमा ३१ रन बनाउँदै स्टिभ स्मिथले राम्रो योगदान दिएका थिए। कोलकाताका शाकिब अल हसनले ३ ओबरमा १४ रन खरचिंदै १ विकेट लिएका थिए।
जवाफमा ब्याटिङ गर्न ओर्लेकोकोलकाताले १९.३ ओभरमा ८ विेकटको क्षतिमा १६२ रन बनाउँदै खेल जितेको थियो। कोलकाताका सुर्यकुमार यादवले ४९ बलमा ६० रन बनाएका थिए। युसुफ पठानले २७ बलमा ३६ रन बनाएका थिए। पुणेका एल्बी मोर्केल, थिसारा परेरा र रजत भाटियाले २-२ विकेट लिएका थिए।
केलका प्लेयर अफ द म्याच सुर्यकुमार यादव घोटित भएका थिए।
