- सुन चाँदी दर
- विनिमय दर
- नेपाली पात्रो
- राशिफल
पर्वत । समाजसेवी नेपाली कांग्रेसका नेता प्रवीण गुरुङले पर्वतको विहादी गाउँपालिकामा मजदुरी गर्ने घरपरिवारलाई निःशुल्क खाद्यान्न उपलब्ध गराउने भएका छन् ।
गत स्थानीय तहको चुनावमा काङ्ग्रेसबाट गाउँपालिका अध्यक्षका प्रत्यासीसमेत रहेका गुरुङले गाउँपालिका भित्र दैनिक ज्याला मजदुरी गर्ने हरेक घर परिवारलाई व्यक्तिगत खर्चमै खाद्यान्न सहयोग गर्ने भएका हुन् ।
पछिल्लो सातादेखि सरकारले गरेको लकडाउनका कारण यहाँका कैयन गरिब, मजदुरी गर्ने घरपरिवार दैनिक जिविकोपार्जनको समस्यामा परेका छन् ।
उनीहरुको दैनिकी सहज गराउनकै लागि गुरुङले गाउँपालिकाभित्रका मजदुरी गर्ने हरेक घरको तथ्यांक निकालेर उनीहरुलाई खाद्यान्न सहयोग गर्ने जनाएका हुन् ।
‘विहादीका जनताको रक्षा गर्नु मेरो दायित्व हो, म हुन्जेल यहाँ कोही भोकै मर्नु पर्दैन’ उनले भने ।
गुरुङका अनुसार यातायात सहज हुनासाथ हरेक परिवारलाई घरमै पुगेर खाद्यान्न वितरण गरिनेछ । यस्तै, उनले राजनीति भन्दामाथि उठेर विपतमा सहयोग गर्न सबैलाई आग्रह समेत गरेका छन् ।
काङ्ग्रेस जिल्ला सदस्यसमेत रहेका गुरुङले यसअघि पनि विहादीमा सामाजिक क्षेत्रमा सहयोग गर्दै आइरहेका छन् ।