काठमाडौं । कोरोना भाइरसले एक ६ महिनाकी बालिकालाई मारेको छ । कोरोना भएको पुष्टि भएको २६ घण्टासम्म लडेपछि बालिकाले दम तोडेकी हुन् ।
चिकित्सकले संक्रमणको पुष्टि भएको बताएपछि बालिकालाई बुधबार बिहान ११ बजे चन्डीगढस्थित पीजीआई अस्पतालको कोरोना वार्डमा सारिएको थियो ।
तर बिहीबार दिउँसो बच्चीले दम तोडेकी हुन् । बुधबार राति नै बच्चीलाई भेन्टिलेटर र ग्लूकोज चढाइएको थियो ।
बच्चीलाई पीजीआईको एडभान्स पेडियाट्रिक सेन्टरमा मुटुमा प्वाल परेका कारण उपचार भइरहेको थियो । त्यसपछि उनलाई संक्रमण भएको थियो ।
उनलाई ९ अप्रिलमा अस्पतालमा भर्ना गरिएको थियो । ६ महिनाकी भए पनि उनको वजन ३ किलोमात्र रहेको थियो ।
जन्मँदा उनको वजन साढे २ किलो रहेको थियो । त्यसपछि परिवारले जालन्धरको अपोलो अस्पतालमा ३६ दिनसम्म उपचार गराएपछि हृदयाघात भएको आशंकामा पीजीआईमा रिफर गरिएको थियो ।
त्यसपछि त्यहाँ बच्चीको सर्जरी गर्ने तयारी भएको थियो । त्यसअघि नै कोरोनाले उनलाई मारेको हो ।
बच्चीलाई कोरोना कसरी भयो भन्ने थुप्रै अड्कल गरिएका छन् । किनकि उनको परिवारका कसैलाई पनि कोरोना भएको छैन ।
बच्चीको सम्पर्कमा आएका १८ डाक्टरसमेत गरी ५४ स्वास्थ्यकर्मीको पनि टेष्ट रिपोर्ट नेगेटिभ छ ।
