- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोरोना भाइरसका कारण सबैभन्दा बढी प्रभावित अमेरिकामा अझै पनि संक्रमणको गति उही रहेको बताइएको छ । अमेरिकामा सोमबार २४ घण्टाको अवधिमा संक्रमित र मृतकको संख्यामा केही कमी आए पनि मंगलबार फेरि बढेको छ ।
विश्वभर २४ घण्टाको अवधिमा ८१ हजार भन्दा बढी संक्रमित थपिँदा अमेरिकामा मात्रै २४ हजार ६ सय भन्दा बढी थपिएका छन् । त्यस्तै मृतक पनि २ हजार ३३५ जना बढेका छन् ।
अमेरिकामा मृतकको संख्या ७२ हजार २५६ पुगेको छ । अमेरिकाले अनुमान गरेभन्दा यो निकै धेरै हो ।
अमेरिकामा अहिलेसम्म १२ लाख ३७ हजार ४६६ जना संक्रमित भएका छन् । जसमा २ लाखको हाराहारीमा निको भएको छ ।
सबैभन्दा बढी प्रभावित न्यूयोर्कमा ३ लाख ३० हजार १३९ जनालाई संक्रमण भएकामा मृतक २५ हजार २०४ पुगेका छन् । २४ घण्टामा २६० को ज्यान गएको छ ।
२४ घण्टामा सबैभन्दा बढी पेन्सिलभानियामा ३४६ जनाको ज्यान गएको छ । दोस्रो स्थानमा न्यूजर्सी रहेको छ । जहाँ ३४१ जनाको ज्यान गएको छ ।