बजेट बारेमा कांग्रेसद्धारा अर्थविज्ञहरुसंग छलफल, नेतृत्व देउवाको, फेसबुकमा लाइभ
बिहान ९ः३० देखि ११ः३० बजेसम्म छलफल
प्रकाशित २०७७ वैशाख २४ बुधबार
602
Shares
काठमाडौं । कोरोना भाइरसको असरका बीच बैशाख २६ गतेदेखि संसदको बजेट अधिवेशन सुरु हुँदैछ । त्यसका लागि प्रमुख प्रतिपक्षी दल नेपाली कांग्रेसले आफ्नो योजना बनाउँदै गएको छ ।
कांग्रेसले बुधबार बिहान कांग्रेस सभापति एवं संसदीय दलका नेता शेरबहादुर देउवाको प्रमुख आतिथ्यमा आर्थिक वर्ष २०७७–७८ को नीति तथा कार्यक्रम र बजेट सम्बन्धमा उद्योग, वाणिज्य लगायतका सम्बन्धित क्षेत्रका छाता संस्थाहरुको नेतृत्वसंग अन्तरक्रिया गर्दैछ ।
बिहान ९ः३० देखि ११ः३० बजेसम्म छलफल हुन लागेको हो । कांग्रेसको छायाँ अर्थ मन्त्रालय समन्वय समितिको आयोजनामा उक्त छलफल हुन लागेको हो ।
