इमरान सरकारका कारण प्रेस स्वतन्त्रतामा गिरावट, एक वर्षमा सात पत्रकारको हत्यासहित ९१ घटना

प्रकाशित मिति : २०७७ बैशाख २४ बुधबार

काठमाडौं । पाकिस्तानमा इमरान खान नेतृत्वको सरकारका कारण प्रे स्वतन्त्रतामा गिरावट आएको छ । संचारकर्मी र संचारमाध्यममाथि भएका आक्रमण र धम्कीका कारण पाकिस्तानमा प्रेस स्वतन्त्रतामा गिरावट आएको मिडिया राइट वाचडगले जनाएको छ । 

स्वतन्त्र नेटवर्कले सार्वजनिक गरेको ‘हत्या, उत्पीडन र हमलास् पाकिस्तानमा पत्रकारिताको कडा मजदूरी’ शीर्षकको प्रतिवेदनमा विगत १२ महिनाको अवधिमा ९१ जना पत्रकारमाथि आक्रमण र अन्य हिंसा गरिएको उल्लेख छ । 

उल्लंघनको सूचिमा सात पत्रकारको हत्या, दुई अपहरणका घटनाहरू, नौ थुनामा राखिएका मुद्दा तथा आठवटा हल्का मुद्दा रहेका छन् । 

त्यस्तै सेन्सरशिपको १० केस, १० केस शारीरिक हमला र २० भन्दा बढी लिखित वा मौखिक धम्कीका केसहरू रहेका छन् ।

९१ घटनामध्ये ३१ वटा इस्लामावादमै भएको पनि प्रतिवेदनमा जनाइएको छ । प्रतिवेदनले पाकिस्तानमा पत्रकारिता अभ्यास गर्ने सबैभन्दा खतरनाक ठाउँ इस्लामावाद भएको पनि उल्लेख छ । 

त्यसैगरी सिन्धलाई दोस्रो खतरनाक ठाउँ भनिएको छ । त्यहाँ २४ घटना भएका छन् । त्यस्तै पंजाबमा २०, खैबर पख्तुन्ख्वामा १३ र बालोचिस्तानमा ३ घटना भएका छन् । 

प्रतिवेदनका अनुसार मिडिया कार्यकर्ताहरू विरुद्ध हुने ४२ प्रतिशत दस्तावेजीकरण भएका घटनाहरूमा पीडित वा उनीहरूको परिवारले राज्य र यसका अधिकारीहरूको संलग्नतामा शंका गरेका छन्।

आफ्नो रिपोर्टमा स्वतन्त्रता नेटवर्कले पत्रकारलाई मार्ने धम्की दिएको लिखित धम्की, मौखिक धम्की, अफलाइन र अनलाइन उत्पीडन र हत्याको प्रयास जसमा सात जना मारिए भन्ने सूची राखिएको छ।

पत्रकारितामाथि नै यो हमला हुनुले त्यहाँ स्वतन्त्रता कति रहेछ भन्ने स्पष्ट हुन्छ । 

नयाँ